Χορὸς
384 ἄρδω σ’ ὅπως ἂν βλαστάνῃς .
385 ἀλλ’ αὖός εἰμ’ ἤδη τρέμων .
386 οὐκοῦν ἐπειδὴ πῦρ ἔχεις , σὺ χλιανεῖς σεαυτόν .
Πρόβουλος
387 ἆρ’ ἐξέλαμψε τῶν γυναικῶν ἡ τρυφὴ
388 χὠ τυμπανισμὸς χοἰ πυκνοὶ Σαβάζιοι ,
389 ὅ τ’ Ἀδωνιασμὸς οὗτος οὑπὶ τῶν τεγῶν ,
390 οὗ ’γώ ποτ’ ὢν ἤκουον ἐν τἠκκλησίᾳ ;
391 ἔλεγε δ’ ὁ μὴ ὥρασι μὲν Δημόστρατος
392 πλεῖν ἐς Σικελίαν , ἡ γυνὴ δ’ ὀρχουμένη
393 " αἰαῖ Ἄδωνιν " φησίν , ὁ δὲ Δημόστρατος
394 ἔλεγεν ὁπλίτας καταλέγειν Ζακυνθίων ·
395 ἡ δ’ ὑποπεπωκυῖ’ ἡ γυνὴ ’πὶ τοῦ τέγους
396 " κόπτεσθ’ Ἄδωνιν " φησίν · ὁ δ’ ἐβιάζετο
397 ὁ θεοῖσιν ἐχθρὸς καὶ μιαρὸς Χολοζύγης .
398 τοιαῦτ’ ἀπ’ αὐτῶν ἐστιν ἀκόλαστ’ ᾄσματα .
Χορὸς
399 τί δῆτ’ ἂν εἰ πύθοιο καὶ τὴν τῶνδ’ ὕβριν ;
400 αἳ τἄλλα θ’ ὑβρίκασι κἀκ τῶν καλπίδων
401 ἔλουσαν ἡμᾶς , ὥστε θαἰματίδια
402 σείειν πάρεστιν ὥσπερ ἐνεουρηκότας .