Χορός
94 ὃν αἰόλα νὺξ ἐναριζομένα
95 τίκτει κατευνάζει τε , φλογιζόμενον
96 Ἅλιον Ἅλιον αἰτῶ
97 τοῦτο καρῦξαι , τὸν Ἀλκμήνας πόθι μοι πόθι παῖς
98 ναίει ποτ’ , ὦ λαμπρᾷ στεροπᾷ φλεγέθων ,
100 ἢ ποντίας αὐλῶνος ἢ δισσαῖσιν ἀπείροις κλιθείς ,
101 εἴπ’ , ὦ κρατιστεύων κατ’ ὄμμα .
103 ποθουμένᾳ γὰρ φρενὶ πυνθάνομαι
104 τὰν ἀμφινεικῆ Δηιάνειραν ἀεί ,
105 οἷά τιν’ ἄθλιον ὄρνιν ,
106 οὔποτ’ εὐνάζειν ἀδακρύτων βλεφάρων πόθον , ἀλλ’
107 εὔμναστον ἀνδρὸς δεῖμα τρέφουσαν ὁδοῦ
110 ἐνθυμίοις εὐναῖς ἀνανδρώτοισι τρύχεσθαι , κακὰν
111 δύστανον ἐλπίζουσαν αἶσαν .
112 πολλὰ γὰρ ὥστ’ ἀκάμαντος ἢ νότου ἢ βορέα τις
113 κύματ’ ἂν εὐρέϊ πόντῳ βάντ’ ἐπιόντα τ’ ἴδοι ,
114 οὕτῶ δὲ τὸν Καδμογενῆ στρέφει , τὸ δ’ αὔξει ,
115 βιότου πολύπονον ὥσπερ πέλαγος
120 Κρήσιον . ἀλλά τις θεῶν αἰὲν ἀναμπλάκητον Ἅιδα
121 σφε δόμων ἐρύκει .
122 ὧν ἐπιμεμφομένα σ’ αἰδοῖα μέν , ἀντία δ’ οἴσω .
125 φαμὶ γὰρ οὐκ ἀποτρύειν ἐλπίδα τὰν ἀγαθὰν
126 χρῆναί σ’ · ἀνάλγητα γὰρ οὐδ’ ὁ πάντα κραίνων βασιλεὺς ἐπέβαλε θνατοῖς Κρονίδας ·
127 ἀλλ’ ἐπὶ πῆμα καὶ χαρὰ πᾶσι κυκλοῦσιν , οἷον
130 ἄρκτου στροφάδες κέλευθοι .
131 μένει γὰρ οὔτ’ αἰόλα
132 νὺξ βροτοῖσιν οὔτε κῆρες
133 οὔτε πλοῦτος , ἀλλ’ ἄφαρ
134 βέβακε , τῷ δ’ ἐπέρχεται
135 χαίρειν τε καὶ στέρεσθαι .
136 ἃ καὶ σὲ τὰν ἄνασσαν ἐλπίσιν λέγω
137 τάδ’ αἰὲν ἴσχειν · ἐπεὶ τίς ὧδε
140 τέκνοισι Ζῆν’ ἄβουλον εἶδεν ;