1087 καὶ κατὰ γνώμαν ἴδρις ,
1088 οὐ τὸν Ὄλυμπον ἀπείρων ,
1089 ὦ Κιθαιρών , οὐκ ἔσει τὰν αὔριον
1090 πανσέληνον , μὴ οὐ σέ γε καὶ πατριώταν Οἰδίπουν
1091 καὶ τροφὸν καὶ ματέρ’ αὔξειν ,
1092 καὶ χορεύεσθαι πρὸς ἡμῶν ,
1093 ὡς ἐπὶ ἦρα φέροντα
1095 τοῖς ἐμοῖς τυράννοις .
1096 ἰήϊε Φοῖβε , σοὶ δὲ ταῦτ’ ἀρέστ’ εἴη .
1097 τίς σε , τέκνον , τίς σ’ ἔτικτε τᾶν μακραιώνων ἄρα
1100 Πανὸς ὀρεσσιβάτα πατρὸς πελασθεῖσ’ ;
1101 ἢ σέ γ’ εὐνάτειρά τις
1102 Λοξίου ; τῷ γὰρ πλάκες ἀγρόνομοι πᾶσαι φίλαι ʹ
1105 εἴθ’ ὁ Κυλλάνας ἀνάσσων ,
1106 εἴθ’ ὁ Βακχεῖος θεὸς ναίων ἐπ’ ἄκρων ὀρέων σ’ εὕρημα δέξατ’ ἔκ του
1107 Νυμφᾶν Ἑλικωνίδων , αἷς πλεῖστα συμπαίζει .
Οἰδίπους
1110 εἰ χρή τι κἀμὲ μὴ συναλλάξαντά πω ,
1111 πρέσβεις , σταθμᾶσθαι , τὸν βοτῆρ’ ὁρᾶν δοκῶ ,
1112 ὅνπερ πάλαι ζητοῦμεν ʹ ἔν τε γὰρ μακρῷ
1113 γήρᾳ ξυνᾴδει τῷδε τἀνδρὶ σύμμετρος ,
1114 ἄλλως τε τοὺς ἄγοντας ὥσπερ οἰκέτας
1115 ἔγνωκ’ ἐμαυτοῦ ʹ τῇ δ’ ἐπιστήμῃ σύ μου
1116 προύχοις τάχ’ ἄν που , τὸν βοτῆρ’ ἰδὼν πάρος .
Χορός
1117 ἔγνωκα γάρ , σάφ’ ἴσθι ʹ Λαΐου γὰρ ἦν
1118 εἴπερ τις ἄλλος πιστὸς ὡς νομεὺς ἀνήρ .
Οἰδίπους
1119 σὲ πρῶτ’ ἐρωτῶ , τὸν Κορίνθιον ξένον ,