20.381 ἀλλʹ εἴ μοί τι πίθοιο , τό κεν πολὺ κέρδιον εἴη ·
20.382 τοὺς ξείνους ἐν νηῒ πολυκληῗδι βαλόντες
20.383 ἐς Σικελοὺς πέμψωμεν , ὅθεν κέ τοι ἄξιον ἄλφοι .
20.384 ὣς ἔφασαν μνηστῆρες · ὁ δʹ οὐκ ἐμπάζετο μύθων ,
20.385 ἀλλʹ ἀκέων πατέρα προσεδέρκετο , δέγμενος αἰεί ,
20.386 ὁππότε δὴ μνηστῆρσιν ἀναιδέσι χεῖρας ἐφήσει .
20.387 ἡ δὲ κατʹ ἄντηστιν θεμένη περικαλλέα δίφρον
20.388 κούρη Ἰκαρίοιο , περίφρων Πηνελόπεια ,
20.389 ἀνδρῶν ἐν μεγάροισιν ἑκάστου μῦθον ἄκουεν .
20.390 δεῖπνον μὲν γάρ τοί γε γελοίωντες τετύκοντο
20.391 ἡδὺ τε καὶ μενοεικές , ἐπεὶ μάλα πόλλʹ ἱέρευσαν ·
20.392 δόρπου δʹ οὐκ ἄν πως ἀχαρίστερον ἄλλο γένοιτο ,
20.393 οἷον δὴ τάχʹ ἔμελλε θεὰ καὶ καρτερὸς ἀνὴρ
20.394 θησέμεναι · πρότεροι γὰρ ἀεικέα μηχανόωντο .