19.494 ἕξω δʹ ὡς ὅτε τις στερεὴ λίθος ἠὲ σίδηρος .
19.495 ἄλλο δέ τοι ἐρέω , σὺ δʹ ἐνὶ φρεσὶ βάλλεο σῇσιν ·
19.496 εἴ χʹ ὑπό σοι γε θεὸς δαμάσῃ μνηστῆρας ἀγαυούς ,
19.497 δὴ τότε τοι καταλέξω ἐνὶ μεγάροισι γυναῖκας ,
19.498 αἵ τέ σʹ ἀτιμάζουσι καὶ αἳ νηλείτιδές εἰσι .
19.499 τὴν δʹ ἀπαμειβόμενος προσέφη πολύμητις Ὀδυσσεύς
19.500 μαῖα , τίη δὲ σὺ τὰς μυθήσεαι ; οὐδέ τί σε χρή .
19.501 εὖ νυ καὶ αὐτὸς ἐγὼ φράσομαι καὶ εἴσομʹ ἑκάστην ·
19.502 ἀλλʹ ἔχε σιγῇ μῦθον , ἐπίτρεψον δὲ θεοῖσιν .
19.503 ὣς ἄρʹ ἔφη , γρηῢς δὲ διὲκ μεγάροιο βεβήκει
19.504 οἰσομένη ποδάνιπτρα · τὰ γὰρ πρότερʹ ἔκχυτο πάντα .
19.505 αὐτὰρ ἐπεὶ νίψεν τε καὶ ἤλειψεν λίπʹ ἐλαίῳ ,
19.506 αὖτις ἄρʹ ἀσσοτέρω πυρὸς ἕλκετο δίφρον Ὀδυσσεὺς
19.507 θερσόμενος , οὐλὴν δὲ κατὰ ῥακέεσσι κάλυψε .
19.508 τοῖσι δὲ μύθων ἦρχε περίφρων Πηνελόπεια ·
19.509 ξεῖνε , τὸ μέν σʹ ἔτι τυτθὸν ἐγὼν εἰρήσομαι αὐτή ·
19.510 καὶ γὰρ δὴ κοίτοιο τάχʹ ἔσσεται ἡδέος ὥρη ,
19.511 ὅν τινά γʹ ὕπνος ἕλοι γλυκερός , καὶ κηδόμενόν περ .
19.512 αὐτὰρ ἐμοὶ καὶ πένθος ἀμέτρητον πόρε δαίμων ·
19.513 ἤματα μὲν γὰρ τέρπομʹ ὀδυρομένη , γοόωσα ,
19.514 ἔς τʹ ἐμὰ ἔργʹ ὁρόωσα καὶ ἀμφιπόλων ἐνὶ οἴκῳ ·
19.515 αὐτὰρ ἐπὴν νὺξ ἔλθῃ , ἕλῃσί τε κοῖτος ἅπαντας ,
19.516 κεῖμαι ἐνὶ λέκτρῳ , πυκιναὶ δέ μοι ἀμφʹ ἀδινὸν κῆρ
19.517 ὀξεῖαι μελεδῶνες ὀδυρομένην ἐρέθουσιν .
19.518 ὡς δʹ ὅτε Πανδαρέου κούρη , χλωρηῒς ἀηδών ,
19.519 καλὸν ἀείδῃσιν ἔαρος νέον ἱσταμένοιο ,
19.520 δενδρέων ἐν πετάλοισι καθεζομένη πυκινοῖσιν ,
19.521 ἥ τε θαμὰ τρωπῶσα χέει πολυηχέα φωνήν ,