Greek Reader — The Homeric Odyssey (14.61

14.61 οἱ νέοι . ἦ γὰρ τοῦ γε θεοὶ κατὰ νόστον ἔδησαν ,

14.62 ὅς κεν ἔμʹ ἐνδυκέως ἐφίλει καὶ κτῆσιν ὄπασσεν ,

14.64 οἶκόν τε κλῆρόν τε πολυμνήστην τε γυναῖκα ,

14.63 οἷά τε ᾧ οἰκῆϊ ἄναξ εὔθυμος ἔδωκεν ,

14.65 ὅς οἱ πολλὰ κάμῃσι , θεὸς δʹ ἐπὶ ἔργον ἀέξῃ ,

14.66 ὡς καὶ ἐμοὶ τόδε ἔργον ἀέξεται , ᾧ ἐπιμίμνω .

14.67 τῷ κέ με πόλλʹ ὤνησεν ἄναξ , εἰ αὐτόθʹ ἐγήρα ·

14.68 ἀλλʹ ὄλεθʹ — ὡς ὤφελλʹ Ἑλένης ἀπὸ φῦλον ὀλέσθαι

14.69 πρόχνυ , ἐπεὶ πολλῶν ἀνδρῶν ὑπὸ γούνατʹ ἔλυσε ·

14.70 καὶ γὰρ κεῖνος ἔβη Ἀγαμέμνονος εἵνεκα τιμῆς

14.71 Ἴλιον εἰς εὔπωλον , ἵνα Τρώεσσι μάχοιτο .

14.72 ὣς εἰπὼν ζωστῆρι θοῶς συνέεργε χιτῶνα ,

14.73 βῆ δʹ ἴμεν ἐς συφεούς , ὅθι ἔθνεα ἔρχατο χοίρων .

14.74 ἔνθεν ἑλὼν δύʹ ἔνεικε καὶ ἀμφοτέρους ἱέρευσεν ,

14.75 εὗσέ τε μίστυλλέν τε καὶ ἀμφʹ ὀβελοῖσιν ἔπειρεν .

14.76 ὀπτήσας δʹ ἄρα πάντα φέρων παρέθηκʹ Ὀδυσῆϊ

14.77 θέρμʹ αὐτοῖς ὀβελοῖσιν · ὁ δʹ ἄλφιτα λευκὰ πάλυνεν ·

14.78 ἐν δʹ ἄρα κισσυβίῳ κίρνη μελιηδέα οἶνον ,

14.79 αὐτὸς δʹ ἀντίον ἷζεν , ἐποτρύνων δὲ προσηύδα ·

14.80 ἔσθιε νῦν , ὦ ξεῖνε , τά τε δμώεσσι πάρεστι ,

14.81 χοίρεʹ · ἀτὰρ σιάλους γε σύας μνηστῆρες ἔδουσιν ,

14.82 οὐκ ὄπιδα φρονέοντες ἐνὶ φρεσὶν οὐδʹ ἐλεητύν .

14.83 οὐ μὲν σχέτλια ἔργα θεοὶ μάκαρες φιλέουσιν ,

14.84 ἀλλὰ δίκην τίουσι καὶ αἴσιμα ἔργʹ ἀνθρώπων .

14.85 καὶ μὲν δυσμενέες καὶ ἀνάρσιοι , οἵ τʹ ἐπὶ γαίης

14.86 ἀλλοτρίης βῶσιν καί σφι Ζεὺς ληΐδα δώῃ ,

14.87 πλησάμενοι δέ τε νῆας ἔβαν οἶκόνδε νέεσθαι ,