13.62 παισί τε καὶ λαοῖσι καὶ Ἀλκινόῳ βασιλῆϊ .
13.63 ὣς εἰπὼν ὑπὲρ οὐδὸν ἐβήσετο δῖος Ὀδυσσεύς ,
13.64 τῷ δʹ ἅμα κήρυκα προΐει μένος Ἀλκινόοιο ,
13.65 ἡγεῖσθαι ἐπὶ νῆα θοὴν καὶ θῖνα θαλάσσης ·
13.66 Ἀρήτη δʹ ἄρα οἱ δμῳὰς ἅμʹ ἔπεμπε γυναῖκας ,
13.67 τὴν μὲν φᾶρος ἔχουσαν ἐϋπλυνὲς ἠδὲ χιτῶνα ,
13.68 τὴν δʹ ἑτέρην χηλὸν πυκινὴν ἅμʹ ὄπασσε κομίζειν ·
13.69 ἡ δʹ ἄλλη σῖτόν τʹ ἔφερεν καὶ οἶνον ἐρυθρόν .
13.70 αὐτὰρ ἐπεί ῥʹ ἐπὶ νῆα κατήλυθον ἠδὲ θάλασσαν ,
13.71 αἶψα τά γʹ ἐν νηῒ γλαφυρῇ πομπῆες ἀγαυοὶ
13.72 δεξάμενοι κατέθεντο , πόσιν καὶ βρῶσιν ἅπασαν ·
13.73 κὰδ δʹ ἄρʹ Ὀδυσσῆϊ στόρεσαν ῥῆγός τε λίνον τε
13.74 νηὸς ἐπʹ ἰκριόφιν γλαφυρῆς , ἵνα νήγρετον εὕδοι ,
13.75 πρυμνῆς · ἂν δὲ καὶ αὐτὸς ἐβήσετο καὶ κατέλεκτο
13.76 σιγῇ · τοὶ δὲ καθῖζον ἐπὶ κληῗσιν ἕκαστοι
13.77 κόσμῳ , πεῖσμα δʹ ἔλυσαν ἀπὸ τρητοῖο λίθοις .
13.78 εὖθʹ οἱ ἀνακλινθέντες ἀνερρίπτουν ἅλα πηδῷ ,
13.79 καὶ τῷ νήδυμος ὕπνος ἐπὶ βλεφάροισιν ἔπιπτε ,
13.80 νήγρετος , ἥδιστος , θανάτῳ ἄγχιστα ἐοικώς .
13.81 ἡ δʹ , ὥς τʹ ἐν πεδίῳ τετράοροι ἄρσενες ἵπποι ,
13.82 πάντες ἅμʹ ὁρμηθέντες ὑπὸ πληγῇσιν ἱμάσθλης ,
13.83 ὑψόσʹ ἀειρόμενοι ῥίμφα πρήσσουσι κέλευθον ,
13.84 ὣς ἄρα τῆς πρύμνη μὲν ἀείρετο , κῦμα δʹ ὄπισθε
13.85 πορφύρεον μέγα θῦε πολυφλοίσβοιο θαλάσσης .
13.86 ἡ δὲ μάλʹ ἀσφαλέως θέεν ἔμπεδον · οὐδέ κεν ἴρηξ
13.87 κίρκος ὁμαρτήσειεν , ἐλαφρότατος πετεηνῶν .
13.88 ὣς ἡ ῥίμφα θέουσα θαλάσσης κύματʹ ἔταμνεν ,
13.89 ἄνδρα φέρουσα θεοῖς ἐναλίγκια μήδεʹ ἔχοντα ·
13.90 ὃς πρὶν μὲν μάλα πολλὰ πάθʹ ἄλγεα ὃν κατὰ θυμὸν
13.91 ἀνδρῶν τε πτολέμους ἀλεγεινά τε κύματα πείρων ,