Greek Reader — The Homeric Odyssey (9.213

9.213 κωρύκῳ · αὐτίκα γάρ μοι ὀίσατο θυμὸς ἀγήνωρ

9.214 ἄνδρʹ ἐπελεύσεσθαι μεγάλην ἐπιειμένον ἀλκήν ,

9.215 ἄγριον , οὔτε δίκας ἐὺ εἰδότα οὔτε θέμιστας .

9.216 καρπαλίμως δʹ εἰς ἄντρον ἀφικόμεθʹ , οὐδέ μιν ἔνδον

9.217 εὕρομεν , ἀλλʹ ἐνόμευε νομὸν κάτα πίονα μῆλα .

9.218 ἐλθόντες δʹ εἰς ἄντρον ἐθηεύμεσθα ἕκαστα .

9.219 ταρσοὶ μὲν τυρῶν βρῖθον , στείνοντο δὲ σηκοὶ

9.220 ἀρνῶν ἠδʹ ἐρίφων · διακεκριμέναι δὲ ἕκασται

9.221 ἔρχατο , χωρὶς μὲν πρόγονοι , χωρὶς δὲ μέτασσαι ,

9.222 χωρὶς δʹ αὖθʹ ἕρσαι . ναῖον δʹ ὀρῷ ἄγγεα πάντα ,

9.223 γαυλοί τε σκαφίδες τε , τετυγμένα , τοῖς ἐνάμελγεν .

9.224 ἔνθʹ ἐμὲ μὲν πρώτισθʹ ἕταροι λίσσοντʹ ἐπέεσσιν

9.225 τυρῶν αἰνυμένους ἰέναι πάλιν , αὐτὰρ ἔπειτα

9.226 καρπαλίμως ἐπὶ νῆα θοὴν ἐρίφους τε καὶ ἄρνας

9.227 σηκῶν ἐξελάσαντας ἐπιπλεῖν ἁλμυρὸν ὕδωρ ·

9.228 ἀλλʹ ἐγὼ οὐ πιθόμην , ἦ τʹ ἂν πολὺ κέρδιον ἦεν ,

9.229 ὄφρʹ αὐτόν τε ἴδοιμι , καὶ εἴ μοι ξείνια δοίη .

9.230 οὐδʹ ἄρʹ ἔμελλʹ ἑτάροισι φανεὶς ἐρατεινὸς ἔσεσθαι .

9.231 ἔνθα δὲ πῦρ κήαντες ἐθύσαμεν ἠδὲ καὶ αὐτοὶ

9.232 τυρῶν αἰνύμενοι φάγομεν , μένομέν τέ μιν ἔνδον

9.233 ἥμενοι , ἧος ἐπῆλθε νέμων . φέρε δʹ ὄβριμον ἄχθος

9.234 ὕλης ἀζαλέης , ἵνα οἱ ποτιδόρπιον εἴη ,

9.235 ἔντοσθεν δʹ ἄντροιο βαλὼν ὀρυμαγδὸν ἔθηκεν ·

9.236 ἡμεῖς δὲ δείσαντες ἀπεσσύμεθʹ ἐς μυχὸν ἄντρου .

9.237 αὐτὰρ ὅ γʹ εἰς εὐρὺ σπέος ἤλασε πίονα μῆλα

9.238 πάντα μάλʹ ὅσσʹ ἤμελγε , τὰ δʹ ἄρσενα λεῖπε θύρηφιν ,

9.239 ἀρνειούς τε τράγους τε , βαθείης ἔκτοθεν αὐλῆς .

9.240 αὐτὰρ ἔπειτʹ ἐπέθηκε θυρεὸν μέγαν ὑψόσʹ ἀείρας ,

9.241 ὄβριμον · οὐκ ἂν τόν γε δύω καὶ εἴκοσʹ ἄμαξαι