Greek Reader — The Homeric Odyssey (9.154

9.154 ὦρσαν δὲ νύμφαι , κοῦραι Διὸς αἰγιόχοιο ,

9.155 αἶγας ὀρεσκῴους , ἵνα δειπνήσειαν ἑταῖροι .

9.156 αὐτίκα καμπύλα τόξα καὶ αἰγανέας δολιχαύλους

9.157 εἱλόμεθʹ ἐκ νηῶν , διὰ δὲ τρίχα κοσμηθέντες

9.158 βάλλομεν · αἶψα δʹ ἔδωκε θεὸς μενοεικέα θήρην .

9.159 νῆες μέν μοι ἕποντο δυώδεκα , ἐς δὲ ἑκάστην

9.160 ἐννέα λάγχανον αἶγες · ἐμοὶ δὲ δέκʹ ἔξελον οἴῳ .

9.161 ὣς τότε μὲν πρόπαν ἦμαρ ἐς ἠέλιον καταδύντα

9.162 ἥμεθα δαινύμενοι κρέα τʹ ἄσπετα καὶ μέθυ ἡδύ ·

9.163 οὐ γάρ πω νηῶν ἐξέφθιτο οἶνος ἐρυθρός ,

9.164 ἀλλʹ ἐνέην · πολλὸν γὰρ ἐν ἀμφιφορεῦσιν ἕκαστοι

9.165 ἠφύσαμεν Κικόνων . ἱερὸν πτολίεθρον ἑλόντες .

9.166 Κυκλώπων δʹ ἐς γαῖαν ἐλεύσσομεν ἐγγὺς ἐόντων ,

9.167 καπνόν τʹ αὐτῶν τε φθογγὴν ὀίων τε καὶ αἰγῶν .

9.168 ἦμος δʹ ἠέλιος κατέδυ καὶ ἐπὶ κνέφας ἦλθε ,

9.169 δὴ τότε κοιμήθημεν ἐπὶ ῥηγμῖνι θαλάσσης .

9.170 ἦμος δʹ ἠριγένεια φάνη ῥοδοδάκτυλος Ἠώς ,

9.171 καὶ τότʹ ἐγὼν ἀγορὴν θέμενος μετὰ πᾶσιν ἔειπον ·

9.172 ἄλλοι μὲν νῦν μίμνετʹ , ἐμοὶ ἐρίηρες ἑταῖροι ·

9.173 αὐτὰρ ἐγὼ σὺν νηί τʹ ἐμῇ καὶ ἐμοῖς ἑτάροισιν

9.174 ἐλθὼν τῶνδʹ ἀνδρῶν πειρήσομαι , οἵ τινές εἰσιν ,

9.175 ἤ ῥʹ οἵ γʹ ὑβρισταί τε καὶ ἄγριοι οὐδὲ δίκαιοι ,

9.176 ἦε φιλόξεινοι , καί σφιν νόος ἐστὶ θεουδής .

9.177 ὣς εἰπὼν ἀνὰ νηὸς ἔβην , ἐκέλευσα δʹ ἑταίρους

9.178 αὐτούς τʹ ἀμβαίνειν ἀνά τε πρυμνήσια λῦσαι .

9.179 οἱ δʹ αἶψʹ εἴσβαινον καὶ ἐπὶ κληῖσι καθῖζον ,

9.180 ἑξῆς δʹ ἑζόμενοι πολιὴν ἅλα τύπτον ἐρετμοῖς .

9.181 ἀλλʹ ὅτε δὴ τὸν χῶρον ἀφικόμεθʹ ἐγγὺς ἐόντα ,

9.182 ἔνθα δʹ ἐπʹ ἐσχατιῇ σπέος εἴδομεν ἄγχι θαλάσσης ,