3.149 ἕστασαν · οἱ δʹ ἀνόρουσαν ἐυκνήμιδες Ἀχαιοὶ
3.150 ἠχῇ θεσπεσίῃ , δίχα δέ σφισιν ἥνδανε βουλή .
3.151 νύκτα μὲν ἀέσαμεν χαλεπὰ φρεσὶν ὁρμαίνοντες
3.152 ἀλλήλοις · ἐπὶ γὰρ Ζεὺς ἤρτυε πῆμα κακοῖο ·
3.153 ἠῶθεν δʹ οἱ μὲν νέας ἕλκομεν εἰς ἅλα δῖαν
3.154 κτήματά τʹ ἐντιθέμεσθα βαθυζώνους τε γυναῖκας .
3.155 ἡμίσεες δʹ ἄρα λαοὶ ἐρητύοντο μένοντες
3.156 αὖθι παρʹ Ἀτρεΐδῃ Ἀγαμέμνονι , ποιμένι λαῶν ·
3.157 ἡμίσεες δʹ ἀναβάντες ἐλαύνομεν · αἱ δὲ μάλʹ ὦκα
3.158 ἔπλεον , ἐστόρεσεν δέ θεὸς μεγακήτεα πόντον .
3.159 ἐς Τένεδον δʹ ἐλθόντες ἐρέξαμεν ἱρὰ θεοισ͂ν ,
3.160 οἴκαδε ἱέμενοι · Ζεὺς δʹ οὔ πω μήδετο νόστον ,
3.161 σχέτλιος , ὅς ῥʹ ἔριν ὦρσε κακήν ἔπι δεύτερον αὖτις .
3.162 οἱ μὲν ἀποστρέψαντες ἔβαν νέας ἀμφιελίσσας
3.163 ἀμφʹ Ὀδυσῆα ἄνακτα δαΐφρονα , ποικιλομήτην ,
3.164 αὖτις ἐπʹ Ἀτρεΐδῃ Ἀγαμέμνονι ἦρα φέροντες ·
3.165 αὐτὰρ ἐγὼ σὺν νηυσὶν ἀολλέσιν , αἵ μοι ἕποντο ,
3.166 φεῦγον , ἐπεὶ γίγνωσκον , ὃδὴ κακὰ μήδετο δαίμων .
3.167 φεῦγε δὲ Τυδέος υἱὸς ἀρήιος , ὦρσε δʹ ἑταίρους .
3.168 ὀψὲ δὲ δὴ μετὰ νῶι κίε ξανθὸς Μενέλαος ,
3.169 ἐν Λέσβῳ δʹ ἔκιχεν δολιχὸν πλόον ὁρμαίνοντας ,
3.170 ἢ καθύπερθε Χίοιο νεοίμεθα παιπαλοέσσης ,
3.171 νήσου ἔπι Ψυρίης , αὐτὴν ἐπʹ ἀριστέρʹ ἔχοντες ,
3.172 ἦ ὑπένερθε Χίοιο , παρʹ ἠνεμόεντα Μίμαντα .
3.173 ᾐτέομεν δὲ θεὸν φῆναι τέρας · αὐτὰρ ὅ γʹ ἡμῖν
3.174 δεῖξε , καὶ ἠνώγει πέλαγος μέσον εἰς Εὔβοιαν
3.175 τέμνειν , ὄφρα τάχιστα ὑπὲκ κακότητα φύγοιμεν .
3.176 ὦρτο δʹ ἐπὶ λιγὺς οὖρος ἀήμεναι · αἱ δὲ μάλʹ ὦκα
3.177 ἰχθυόεντα κέλευθα διέδραμον , ἐς δὲ Γεραιστὸν
3.178 ἐννύχιαι κατάγοντο · Ποσειδάωνι δὲ ταύρων