3.90 εἴθʹ ὅ γʹ ἐπʹ ἠπείρου δάμη ἀνδράσι δυσμενέεσσιν ,
3.91 εἴτε καὶ ἐν πελάγει μετὰ κύμασιν Ἀμφιτρίτης .
3.92 τοὔνεκα νῦν τὰ σὰ γούναθʹ ἱκάνομαι , αἴ κʹ ἐθέλῃσθα
3.93 κείνου λυγρὸν ὄλεθρον ἐνισπεῖν , εἴ που ὄπωπας
3.94 ὀφθαλμοῖσι τεοῖσιν ἢ ἄλλου μῦθον ἄκουσας
3.95 πλαζομένου · πέρι γάρ μιν ὀιζυρὸν τέκε μήτηρ .
3.96 μηδέ τί μʹ αἰδόμενος μειλίσσεο μηδʹ ἐλεαίρων ,
3.97 ἀλλʹ εὖ μοι κατάλεξον ὃπως ἤντησας ὀπωπῆς .
3.98 λίσσομαι , εἴ ποτέ τοί τι πατὴρ ἐμός , ἐσθλὸς Ὀδυσσεύς ,
3.99 ἢ ἔπος ἠέ τι ἔργον ὑποστὰς ἐξετέλεσσε
3.100 δήμῳ ἔνι Τρώων , ὅθι πάσχετε πήματʹ Ἀχαιοί ,
3.101 τῶν νῦν μοι μνῆσαι , καί μοι νημερτὲς ἐνίσπες .
3.102 τὸν δʹ ἠμείβετʹ ἔπειτα Γερήνιος ἱππότα Νέστωρ ·
3.103 ὦ φίλʹ , ἐπεί μʹ ἔμνησας ὀιζύος , ἥν ἐν ἐκείνῳ
3.104 δήμῳ ἀνέτλημεν μένος ἄσχετοι υἷες Ἀχαιῶν ,
3.105 ἠμέν ὅσα ξὺν νηυσίν ἐπʹ ἠεροειδέα πόντον
3.106 πλαζόμενοι κατὰ ληίδʹ , ὅπῃ ἄρξειεν Ἀχιλλεύς ,
3.107 ἠδʹ ὅσα καὶ περί ἄστυ μέγα Πριάμοιο ἄνακτος
3.108 μαρνάμεθʹ · ἔνθα δʹ ἔπειτα κατέκταθεν ὅσσοι ἄριστοι .
3.109 ἔνθα μὲν Αἴας κεῖται ἀρήιος , ἔνθα δʹ Ἀχιλλεύς ,
3.110 ἔνθα δὲ Πάτροκλος , θεόφιν μήστωρ ἀτάλαντος ,
3.111 ἔνθα δʹ ἐμὸς φίλος υἱός , ἅμα κρατερὸς καὶ ἀμύμων ,
3.112 Ἀντίλοχος , πέρι μὲν θείειν ταχὺς ἠδὲ μαχητής ·
3.113 ἄλλα τε πόλλʹ ἐπὶ τοῖς πάθομεν κακά · τίς κεν ἐκεῖνα
3.114 πάντα γε μυθήσαιτο καταθνητῶν ἀνθρώπων ;
3.115 οὐδʹ εἰ πεντάετές γε καὶ ἑξάετες παραμίμνων
3.116 ἐξερέοις ὅσα κεῖθι πάθον κακὰ δῖοι Ἀχαιοί ·
3.117 πρίν κεν ἀνιηθεὶς σὴν πατρίδα γαῖαν ἵκοιο .
3.118 εἰνάετες γάρ σφιν κακὰ ῥάπτομεν ἀμφιέποντες