Greek Reader — The Homeric Odyssey (2.29

2.29 ἠὲ νέων ἀνδρῶν ἢ οἳ προγενέστεροί εἰσιν ;

2.30 ἠέ τινʹ ἀγγελίην στρατοῦ ἔκλυεν ἐρχομένοιο ,

2.31 ἥν χʹ ἡμῖν σάφα εἴποι , ὅτε πρότερός γε πύθοιτο ;

2.32 ἦέ τι δήμιον ἄλλο πιφαύσκεται ἠδʹ ἀγορεύει ;

2.33 ἐσθλός μοι δοκεῖ εἶναι , ὀνήμενος . εἴθε οἱ αὐτῷ

2.34 Ζεὺς ἀγαθὸν τελέσειεν , ὅτι φρεσὶν ᾗσι μενοινᾷ .

2.35 ὣς φάτο , χαῖρε δὲ φήμῃ Ὀδυσσῆος φίλος υἱός ,

2.36 οὐδʹ ἄρʹ ἔτι δὴν ἧστο , μενοίνησεν δʹ ἀγορεύειν ,

2.37 στῆ δὲ μέσῃ ἀγορῇ · σκῆπτρον δέ οἱ ἔμβαλε χειρὶ

2.38 κῆρυξ Πεισήνωρ πεπνυμένα μήδεα εἰδώς .

2.39 πρῶτον ἔπειτα γέροντα καθαπτόμενος προσέειπεν ·

2.40 ὦ γέρον , οὐχ ἑκὰς οὗτος ἀνήρ , τάχα δʹ εἴσεαι αὐτός ,

2.41 ὃς λαὸν ἤγειρα · μάλιστα δέ μʹ ἄλγος ἱκάνει .

2.42 οὔτε τινʹ ἀγγελίην στρατοῦ ἔκλυον ἐρχομένοιο ,

2.43 ἥν χʹ ὑμῖν σάφα εἴπω , ὅτε πρότερός γε πυθοίμην ,

2.44 οὔτε τι δήμιον ἄλλο πιφαύσκομαι οὐδʹ ἀγορεύω ,

2.45 ἀλλʹ ἐμὸν αὐτοῦ χρεῖος , ὅ μοι κακὰ ἔμπεσεν οἴκῳ

2.46 δοιά · τὸ μὲν πατέρʹ ἐσθλὸν ἀπώλεσα , ὅς ποτʹ ἐν ὑμῖν

2.47 τοίσδεσσιν βασίλευε , πατὴρ δʹ ὣς ἤπιος ἦεν ·

2.48 νῦν δʹ αὖ καὶ πολὺ μεῖζον , ὃ δὴ τάχα οἶκον ἅπαντα

2.49 πάγχυ διαρραίσει , βίοτον δʹ ἀπὸ πάμπαν ὀλέσσει .

2.50 μητέρι μοι μνηστῆρες ἐπέχραον οὐκ ἐθελούσῃ ,

2.51 τῶν ἀνδρῶν φίλοι υἷες , οἳ ἐνθάδε γʹ εἰσὶν ἄριστοι ,

2.52 οἳ πατρὸς μὲν ἐς οἶκον ἀπερρίγασι νέεσθαι

2.53 Ἰκαρίου , ὥς κʹ αὐτὸς ἐεδνώσαιτο θύγατρα ,

2.54 δοίη δʹ ᾧ κʹ ἐθέλοι καί οἱ κεχαρισμένος ἔλθοι ·

2.55 οἱ δʹ εἰς ἡμέτερον πωλεύμενοι ἤματα πάντα ,