Greek Reader — The Homeric Odyssey (2.1

2.1 ἦμος δʹ ἠριγένεια φάνη ῥοδοδάκτυλος Ἠώς ,

2.2 ὤρνυτʹ ἄρʹ ἐξ εὐνῆφιν Ὀδυσσῆος φίλος υἱὸς

2.3 εἵματα ἑσσάμενος , περὶ δὲ ξίφος ὀξὺ θέτʹ ὤμῳ ,

2.4 ποσσὶ δʹ ὑπὸ λιπαροῖσιν ἐδήσατο καλὰ πέδιλα ,

2.5 βῆ δʹ ἴμεν ἐκ θαλάμοιο θεῷ ἐναλίγκιος ἄντην .

2.6 αἶψα δὲ κηρύκεσσι λιγυφθόγγοισι κέλευσε

2.7 κηρύσσειν ἀγορήνδε κάρη κομόωντας Ἀχαιούς .

2.8 οἱ μὲν ἐκήρυσσον , τοὶ δʹ ἠγείροντο μάλʹ ὦκα .

2.9 αὐτὰρ ἐπεί ῥʹ ἤγερθεν ὁμηγερέες τʹ ἐγένοντο ,

2.10 βῆ ῥʹ ἴμεν εἰς ἀγορήν , παλάμῃ δʹ ἔχε χάλκεον ἔγχος ,

2.11 οὐκ οἶος , ἅμα τῷ γε δύω κύνες ἀργοὶ ἕποντο .

2.12 θεσπεσίην δʹ ἄρα τῷ γε χάριν κατέχευεν Ἀθήνη .

2.13 τὸν δʹ ἄρα πάντες λαοὶ ἐπερχόμενον θηεῦντο ·

2.14 ἕζετο δʹ ἐν πατρὸς θώκῳ , εἶξαν δὲ γέροντες .

2.15 τοῖσι δʹ ἔπειθʹ ἥρως Αἰγύπτιος ἦρχʹ ἀγορεύειν ,

2.16 ὃς δὴ γήραϊ κυφὸς ἔην καὶ μυρία ᾔδη .

2.17 καὶ γὰρ τοῦ φίλος υἱὸς ἅμʹ ἀντιθέῳ Ὀδυσῆι

2.18 Ἴλιον εἰς ἐύπωλον ἔβη κοίλῃς ἐνὶ νηυσίν ,

2.19 Ἄντιφος αἰχμητής · τὸν δʹ ἄγριος ἔκτανε Κύκλωψ

2.20 ἐν σπῆι γλαφυρῷ , πύματον δʹ ὡπλίσσατο δόρπον .

2.21 τρεῖς δέ οἱ ἄλλοι ἔσαν , καὶ ὁ μὲν μνηστῆρσιν ὁμίλει ,

2.22 Εὐρύνομος , δύο δʹ αἰὲν ἔχον πατρώια ἔργα .

2.23 ἀλλʹ οὐδʹ ὣς τοῦ λήθετʹ ὀδυρόμενος καὶ ἀχεύων .

2.24 τοῦ ὅ γε δάκρυ χέων ἀγορήσατο καὶ μετέειπε ·

2.25 κέκλυτε δὴ νῦν μευ , Ἰθακήσιοι , ὅττι κεν εἴπω ·

2.26 οὔτε ποθʹ ἡμετέρη ἀγορὴ γένετʹ οὔτε θόωκος

2.27 ἐξ οὗ Ὀδυσσεὺς δῖος ἔβη κοίλῃς ἐνὶ νηυσί .

2.28 νῦν δὲ τίς ὧδʹ ἤγειρε ; τίνα χρειὼ τόσον ἵκει