Greek Reader — The Homeric Odyssey (1.296

1.296 κτείνῃς ἠὲ δόλῳ ἢ ἀμφαδόν · οὐδέ τί σε χρὴ

1.297 νηπιάας ὀχέειν , ἐπεὶ οὐκέτι τηλίκος ἐσσι .

1.298 ἢ οὐκ ἀίεις οἷον κλέος ἔλλαβε δῖος Ὀρέστης

1.299 πάντας ἐπʹ ἀνθρώπους , ἐπεὶ ἔκτανε πατροφονῆα ,

1.300 Αἴγισθον δολόμητιν , ὅ οἱ πατέρα κλυτὸν ἔκτα ;

1.301 καὶ σύ , φίλος , μάλα γάρ σʹ ὁρόω καλόν τε μέγαν τε ,

1.302 ἄλκιμος ἔσσʹ , ἵνα τίς σε καὶ ὀψιγόνων ἐὺ εἴπῃ .

1.303 αὐτὰρ ἐγὼν ἐπὶ νῆα θοὴν κατελεύσομαι ἤδη

1.304 ἠδʹ ἑτάρους , οἵ πού με μάλʹ ἀσχαλόωσι μένοντες ·

1.305 σοὶ δʹ αὐτῷ μελέτω , καὶ ἐμῶν ἐμπάζεο μύθων .

1.306 τὴν δʹ αὖ Τηλέμαχος πεπνυμένος ἀντίον ηὔδα ·

1.307 ξεῖνʹ , ἦ τοι μὲν ταῦτα φίλα φρονέων ἀγορεύεις ,

1.308 ὥς τε πατὴρ ᾧ παιδί , καὶ οὔ ποτε λήσομαι αὐτῶν .

1.309 ἀλλʹ ἄγε νῦν ἐπίμεινον , ἐπειγόμενός περ ὁδοῖο ,

1.310 ὄφρα λοεσσάμενός τε τεταρπόμενός τε φίλον κῆρ ,

1.311 δῶρον ἔχων ἐπὶ νῆα κίῃς , χαίρων ἐνὶ θυμῷ ,

1.312 τιμῆεν , μάλα καλόν , ὅ τοι κειμήλιον ἔσται

1.313 ἐξ ἐμεῦ , οἷα φίλοι ξεῖνοι ξείνοισι διδοῦσι .

1.314 τὸν δʹ ἠμείβετʹ ἔπειτα θεά , γλαυκῶπις Ἀθήνη ·

1.315 μή μʹ ἔτι νῦν κατέρυκε , λιλαιόμενόν περ ὁδοῖο .

1.316 δῶρον δʹ ὅττι κέ μοι δοῦναι φίλον ἦτορ ἀνώγῃ ,

1.317 αὖτις ἀνερχομένῳ δόμεναι οἶκόνδε φέρεσθαι ,

1.318 καὶ μάλα καλὸν ἑλών · σοὶ δʹ ἄξιον ἔσται ἀμοιβῆς .

1.319 ἡ μὲν ἄρʹ ὣς εἰποῦσʹ ἀπέβη γλαυκῶπις Ἀθήνη ,

1.320 ὄρνις δʹ ὣς ἀνόπαια διέπτατο · τῷ δʹ ἐνὶ θυμῷ

1.321 θῆκε μένος καὶ θάρσος , ὑπέμνησέν τέ ἑ πατρὸς