Greek Reader — The Homeric Odyssey (1.267

1.267 ἀλλʹ ἦ τοι μὲν ταῦτα θεῶν ἐν γούνασι κεῖται ,

1.268 ἤ κεν νοστήσας ἀποτίσεται , ἦε καὶ οὐκί ,

1.269 οἷσιν ἐνὶ μεγάροισι · σὲ δὲ φράζεσθαι ἄνωγα ,

1.270 ὅππως κε μνηστῆρας ἀπώσεαι ἐκ μεγάροιο .

1.271 εἰ δʹ ἄγε νῦν ξυνίει καὶ ἐμῶν ἐμπάζεο μύθων ·

1.272 αὔριον εἰς ἀγορὴν καλέσας ἥρωας Ἀχαιοὺς

1.273 μῦθον πέφραδε πᾶσι , θεοὶ δʹ ἐπὶ μάρτυροι ἔστων .

1.274 μνηστῆρας μὲν ἐπὶ σφέτερα σκίδνασθαι ἄνωχθι ,

1.275 μητέρα δʹ , εἴ οἱ θυμὸς ἐφορμᾶται γαμέεσθαι ,

1.276 ἂψ ἴτω ἐς μέγαρον πατρὸς μέγα δυναμένοιο ·

1.277 οἱ δὲ γάμον τεύξουσι καὶ ἀρτυνέουσιν ἔεδνα

1.278 πολλὰ μάλʹ , ὅσσα ἔοικε φίλης ἐπὶ παιδὸς ἕπεσθαι .

1.279 σοὶ δʹ αὐτῷ πυκινῶς ὑποθήσομαι , αἴ κε πίθηαι ·

1.280 νῆʹ ἄρσας ἐρέτῃσιν ἐείκοσιν , ἥ τις ἀρίστη ,

1.281 ἔρχεο πευσόμενος πατρὸς δὴν οἰχομένοιο ,

1.282 ἤν τίς τοι εἴπῃσι βροτῶν , ἢ ὄσσαν ἀκούσῃς

1.283 ἐκ Διός , ἥ τε μάλιστα φέρει κλέος ἀνθρώποισι .

1.284 πρῶτα μὲν ἐς Πύλον ἐλθὲ καὶ εἴρεο Νέστορα δῖον ,

1.285 κεῖθεν δὲ Σπάρτηνδε παρὰ ξανθὸν Μενέλαον ·

1.286 ὃς γὰρ δεύτατος ἦλθεν Ἀχαιῶν χαλκοχιτώνων .

1.287 εἰ μέν κεν πατρὸς βίοτον καὶ νόστον ἀκούσῃς ,

1.288 ἦ τʹ ἂν τρυχόμενός περ ἔτι τλαίης ἐνιαυτόν ·

1.289 εἰ δέ κε τεθνηῶτος ἀκούσῃς μηδʹ ἔτʹ ἐόντος ,

1.290 νοστήσας δὴ ἔπειτα φίλην ἐς πατρίδα γαῖαν

1.291 σῆμά τέ οἱ χεῦαι καὶ ἐπὶ κτέρεα κτερεΐξαι

1.292 πολλὰ μάλʹ , ὅσσα ἔοικε , καὶ ἀνέρι μητέρα δοῦναι .

1.293 αὐτὰρ ἐπὴν δὴ ταῦτα τελευτήσῃς τε καὶ ἔρξῃς ,

1.294 φράζεσθαι δὴ ἔπειτα κατὰ φρένα καὶ κατὰ θυμὸν

1.295 ὅππως κε μνηστῆρας ἐνὶ μεγάροισι τεοῖσι