Greek Reader — The Homeric Iliad (9.274

9.274 κούρη Βρισῆος · ἐπὶ δὲ μέγαν ὅρκον ὀμεῖται

9.275 μή ποτε τῆς εὐνῆς ἐπιβήμεναι ἠδὲ μιγῆναι

9.276 ἣ θέμις ἐστὶν ἄναξ ἤτ’ ἀνδρῶν ἤτε γυναικῶν .

9.277 ταῦτα μὲν αὐτίκα πάντα παρέσσεται · εἰ δέ κεν αὖτε

9.278 ἄστυ μέγα Πριάμοιο θεοὶ δώωσ’ ἀλαπάξαι ,

9.279 νῆα ἅλις χρυσοῦ καὶ χαλκοῦ νηήσασθαι

9.280 εἰσελθών , ὅτε κεν δατεώμεθα ληΐδ’ Ἀχαιοί ,

9.281 Τρωϊάδας δὲ γυναῖκας ἐείκοσιν αὐτὸς ἑλέσθαι ,

9.282 αἵ κε μετ’ Ἀργείην Ἑλένην κάλλισται ἔωσιν .

9.283 εἰ δέ κεν Ἄργος ἱκοίμεθ’ Ἀχαιϊκὸν οὖθαρ ἀρούρης

9.284 γαμβρός κέν οἱ ἔοις · τίσει δέ σε ἶσον Ὀρέστῃ ,

9.285 ὅς οἱ τηλύγετος τρέφεται θαλίῃ ἔνι πολλῇ .

9.286 τρεῖς δέ οἵ εἰσι θύγατρες ἐνὶ μεγάρῳ εὐπήκτῳ

9.287 Χρυσόθεμις καὶ Λαοδίκη καὶ Ἰφιάνασσα ,

9.288 τάων ἥν κ’ ἐθέλῃσθα φίλην ἀνάεδνον ἄγεσθαι

9.289 πρὸς οἶκον Πηλῆος · ὃ δ’ αὖτ’ ἐπὶ μείλια δώσει

9.290 πολλὰ μάλ’ , ὅσσ’ οὔ πώ τις ἑῇ ἐπέδωκε θυγατρί ·

9.291 ἑπτὰ δέ τοι δώσει εὖ ναιόμενα πτολίεθρα

9.292 Καρδαμύλην Ἐνόπην τε καὶ Ἱρὴν ποιήεσσαν

9.293 Φηράς τε ζαθέας ἠδ’ Ἄνθειαν βαθύλειμον

9.294 καλήν τ’ Αἴπειαν καὶ Πήδασον ἀμπελόεσσαν .

9.295 πᾶσαι δ’ ἐγγὺς ἁλός , νέαται Πύλου ἠμαθόεντος ·

9.296 ἐν δ’ ἄνδρες ναίουσι πολύρρηνες πολυβοῦται ,

9.297 οἵ κέ σε δωτίνῃσι θεὸν ὣς τιμήσουσι

9.298 καί τοι ὑπὸ σκήπτρῳ λιπαρὰς τελέουσι θέμιστας .

9.299 ταῦτά κέ τοι τελέσειε μεταλήξαντι χόλοιο .

9.300 εἰ δέ τοι Ἀτρεΐδης μὲν ἀπήχθετο κηρόθι μᾶλλον

9.301 αὐτὸς καὶ τοῦ δῶρα , σὺ δ’ ἄλλους περ Παναχαιοὺς

9.302 τειρομένους ἐλέαιρε κατὰ στρατόν , οἵ σε θεὸν ὣς

9.303 τίσουσ’ · ἦ γάρ κέ σφι μάλα μέγα κῦδος ἄροιο ·