Greek Reader — The Homeric Iliad (9.121

9.121 ὑμῖν δ’ ἐν πάντεσσι περικλυτὰ δῶρ’ ὀνομήνω

9.122 ἕπτ’ ἀπύρους τρίποδας , δέκα δὲ χρυσοῖο τάλαντα ,

9.123 αἴθωνας δὲ λέβητας ἐείκοσι , δώδεκα δ’ ἵππους

9.124 πηγοὺς ἀθλοφόρους , οἳ ἀέθλια ποσσὶν ἄροντο .

9.125 οὔ κεν ἀλήϊος εἴη ἀνὴρ ᾧ τόσσα γένοιτο ,

9.126 οὐδέ κεν ἀκτήμων ἐριτίμοιο χρυσοῖο ,

9.127 ὅσσά μοι ἠνείκαντο ἀέθλια μώνυχες ἵπποι .

9.128 δώσω δ’ ἑπτὰ γυναῖκας ἀμύμονα ἔργα ἰδυίας

9.129 Λεσβίδας , ἃς ὅτε Λέσβον ἐϋκτιμένην ἕλεν αὐτὸς

9.130 ἐξελόμην , αἳ κάλλει ἐνίκων φῦλα γυναικῶν .

9.131 τὰς μέν οἱ δώσω , μετὰ δ’ ἔσσεται ἣν τότ’ ἀπηύρων

9.132 κούρη Βρισῆος · ἐπὶ δὲ μέγαν ὅρκον ὀμοῦμαι

9.133 μή ποτε τῆς εὐνῆς ἐπιβήμεναι ἠδὲ μιγῆναι ,

9.134 ἣ θέμις ἀνθρώπων πέλει ἀνδρῶν ἠδὲ γυναικῶν .

9.135 ταῦτα μὲν αὐτίκα πάντα παρέσσεται · εἰ δέ κεν αὖτε

9.136 ἄστυ μέγα Πριάμοιο θεοὶ δώωσ’ ἀλαπάξαι ,

9.137 νῆα ἅλις χρυσοῦ καὶ χαλκοῦ νηησάσθω

9.138 εἰσελθών , ὅτε κεν δατεώμεθα ληΐδ’ Ἀχαιοί ,

9.139 Τρωϊάδας δὲ γυναῖκας ἐείκοσιν αὐτὸς ἑλέσθω ,

9.140 αἴ κε μετ’ Ἀργείην Ἑλένην κάλλισται ἔωσιν .

9.141 εἰ δέ κεν Ἄργος ἱκοίμεθ’ Ἀχαιϊκὸν οὖθαρ ἀρούρης

9.142 γαμβρός κέν μοι ἔοι · τίσω δέ μιν ἶσον Ὀρέστῃ ,

9.143 ὅς μοι τηλύγετος τρέφεται θαλίῃ ἔνι πολλῇ .

9.144 τρεῖς δέ μοί εἰσι θύγατρες ἐνὶ μεγάρῳ εὐπήκτῳ

9.145 Χρυσόθεμις καὶ Λαοδίκη καὶ Ἰφιάνασσα ,

9.146 τάων ἥν κ’ ἐθέλῃσι φίλην ἀνάεδνον ἀγέσθω

9.147 πρὸς οἶκον Πηλῆος · ἐγὼ δ’ ἐπὶ μείλια δώσω

9.148 πολλὰ μάλ’ , ὅσσ’ οὔ πώ τις ἑῇ ἐπέδωκε θυγατρί ·

9.149 ἑπτὰ δέ οἱ δώσω εὖ ναιόμενα πτολίεθρα

9.150 Καρδαμύλην Ἐνόπην τε καὶ Ἱρὴν ποιήεσσαν

9.151 Φηράς τε ζαθέας ἠδ’ Ἄνθειαν βαθύλειμον