Greek Reader — The Homeric Iliad (9.33

9.33 ἣ θέμις ἐστὶν ἄναξ ἀγορῇ · σὺ δὲ μή τι χολωθῇς .

9.34 ἀλκὴν μέν μοι πρῶτον ὀνείδισας ἐν Δαναοῖσι

9.35 φὰς ἔμεν ἀπτόλεμον καὶ ἀνάλκιδα · ταῦτα δὲ πάντα

9.36 ἴσασ’ Ἀργείων ἠμὲν νέοι ἠδὲ γέροντες .

9.37 σοὶ δὲ διάνδιχα δῶκε Κρόνου πάϊς ἀγκυλομήτεω ·

9.38 σκήπτρῳ μέν τοι δῶκε τετιμῆσθαι περὶ πάντων ,

9.39 ἀλκὴν δ’ οὔ τοι δῶκεν , ὅ τε κράτος ἐστὶ μέγιστον .

9.40 δαιμόνι’ οὕτω που μάλα ἔλπεαι υἷας Ἀχαιῶν

9.41 ἀπτολέμους τ’ ἔμεναι καὶ ἀνάλκιδας ὡς ἀγορεύεις ;

9.42 εἰ δέ τοι αὐτῷ θυμὸς ἐπέσσυται ὥς τε νέεσθαι

9.43 ἔρχεο · πάρ τοι ὁδός , νῆες δέ τοι ἄγχι θαλάσσης

9.44 ἑστᾶσ’ , αἵ τοι ἕποντο Μυκήνηθεν μάλα πολλαί .

9.45 ἀλλ’ ἄλλοι μενέουσι κάρη κομόωντες Ἀχαιοὶ

9.46 εἰς ὅ κέ περ Τροίην διαπέρσομεν . εἰ δὲ καὶ αὐτοὶ

9.47 φευγόντων σὺν νηυσὶ φίλην ἐς πατρίδα γαῖαν ·

9.48 νῶϊ δ’ ἐγὼ Σθένελός τε μαχησόμεθ’ εἰς ὅ κε τέκμωρ

9.49 Ἰλίου εὕρωμεν · σὺν γὰρ θεῷ εἰλήλουθμεν .

9.50 ὣς ἔφαθ’ , οἳ δ’ ἄρα πάντες ἐπίαχον υἷες Ἀχαιῶν

9.51 μῦθον ἀγασσάμενοι Διομήδεος ἱπποδάμοιο .

9.52 τοῖσι δ’ ἀνιστάμενος μετεφώνεεν ἱππότα Νέστωρ ·

9.53 Τυδεΐδη περὶ μὲν πολέμῳ ἔνι καρτερός ἐσσι ,

9.54 καὶ βουλῇ μετὰ πάντας ὁμήλικας ἔπλευ ἄριστος .

9.55 οὔ τίς τοι τὸν μῦθον ὀνόσσεται ὅσσοι Ἀχαιοί ,

9.56 οὐδὲ πάλιν ἐρέει · ἀτὰρ οὐ τέλος ἵκεο μύθων .

9.57 ἦ μὲν καὶ νέος ἐσσί , ἐμὸς δέ κε καὶ πάϊς εἴης

9.58 ὁπλότατος γενεῆφιν · ἀτὰρ πεπνυμένα βάζεις

9.59 Ἀργείων βασιλῆας , ἐπεὶ κατὰ μοῖραν ἔειπες .

9.60 ἀλλ’ ἄγ’ ἐγών , ὃς σεῖο γεραίτερος εὔχομαι εἶναι ,