Greek Reader — The Homeric Iliad (5.702

5.702 χάζονθ’ , ὡς ἐπύθοντο μετὰ Τρώεσσιν Ἄρηα .

5.703 ἔνθα τίνα πρῶτον τίνα δ’ ὕστατον ἐξενάριξαν

5.704 Ἕκτωρ τε Πριάμοιο πάϊς καὶ χάλκεος Ἄρης ;

5.705 ἀντίθεον Τεύθραντ’ , ἐπὶ δὲ πλήξιππον Ὀρέστην ,

5.706 Τρῆχόν τ’ αἰχμητὴν Αἰτώλιον Οἰνόμαόν τε ,

5.707 Οἰνοπίδην θ’ Ἕλενον καὶ Ὀρέσβιον αἰολομίτρην ,

5.708 ὅς ῥ’ ἐν Ὕλῃ ναίεσκε μέγα πλούτοιο μεμηλώς ,

5.709 λίμνῃ κεκλιμένος Κηφισίδι · πὰρ δέ οἱ ἄλλοι

5.710 ναῖον Βοιωτοὶ μάλα πίονα δῆμον ἔχοντες .

5.711 τοὺς δ’ ὡς οὖν ἐνόησε θεὰ λευκώλενος Ἥρη

5.712 Ἀργείους ὀλέκοντας ἐνὶ κρατερῇ ὑσμίνῃ ,

5.713 αὐτίκ’ Ἀθηναίην ἔπεα πτερόεντα προσηύδα ·

5.714 ὢ πόποι αἰγιόχοιο Διὸς τέκος Ἀτρυτώνη ,

5.715 ἦ ῥ’ ἅλιον τὸν μῦθον ὑπέστημεν Μενελάῳ

5.716 Ἴλιον ἐκπέρσαντ’ εὐτείχεον ἀπονέεσθαι ,

5.717 εἰ οὕτω μαίνεσθαι ἐάσομεν οὖλον Ἄρηα .

5.718 ἀλλ’ ἄγε δὴ καὶ νῶϊ μεδώμεθα θούριδος ἀλκῆς .

5.719 ὣς ἔφατ’ , οὐδ’ ἀπίθησε θεὰ γλαυκῶπις Ἀθήνη .

5.720 ἣ μὲν ἐποιχομένη χρυσάμπυκας ἔντυεν ἵππους

5.721 Ἥρη πρέσβα θεὰ θυγάτηρ μεγάλοιο Κρόνοιο ·

5.722 Ἥβη δ’ ἀμφ’ ὀχέεσσι θοῶς βάλε καμπύλα κύκλα

5.723 χάλκεα ὀκτάκνημα σιδηρέῳ ἄξονι ἀμφίς .

5.724 τῶν ἤτοι χρυσέη ἴτυς ἄφθιτος , αὐτὰρ ὕπερθε

5.725 χάλκε’ ἐπίσσωτρα προσαρηρότα , θαῦμα ἰδέσθαι ·

5.726 πλῆμναι δ’ ἀργύρου εἰσὶ περίδρομοι ἀμφοτέρωθεν ·

5.727 δίφρος δὲ χρυσέοισι καὶ ἀργυρέοισιν ἱμᾶσιν

5.728 ἐντέταται , δοιαὶ δὲ περίδρομοι ἄντυγές εἰσι .

5.729 τοῦ δ’ ἐξ ἀργύρεος ῥυμὸς πέλεν · αὐτὰρ ἐπ’ ἄκρῳ

5.730 δῆσε χρύσειον καλὸν ζυγόν , ἐν δὲ λέπαδνα

5.731 κάλ’ ἔβαλε χρύσει’ · ὑπὸ δὲ ζυγὸν ἤγαγεν Ἥρη

5.732 ἵππους ὠκύποδας , μεμαυῖ’ ἔριδος καὶ ἀϋτῆς .

5.733 αὐτὰρ Ἀθηναίη κούρη Διὸς αἰγιόχοιο

5.734 πέπλον μὲν κατέχευεν ἑανὸν πατρὸς ἐπ’ οὔδει