Greek Reader — The Homeric Iliad (2.431

2.431 δαίνυντ’ , οὐδέ τι θυμὸς ἐδεύετο δαιτὸς ἐΐσης .

2.432 αὐτὰρ ἐπεὶ πόσιος καὶ ἐδητύος ἐξ ἔρον ἕντο ,

2.433 τοῖς ἄρα μύθων ἦρχε Γερήνιος ἱππότα Νέστωρ ·

2.434 Ἀτρεΐδη κύδιστε ἄναξ ἀνδρῶν Ἀγάμεμνον ,

2.435 μηκέτι νῦν δήθ’ αὖθι λεγώμεθα , μηδ’ ἔτι δηρὸν

2.436 ἀμβαλλώμεθα ἔργον ὃ δὴ θεὸς ἐγγυαλίζει .

2.437 ἀλλ’ ἄγε κήρυκες μὲν Ἀχαιῶν χαλκοχιτώνων

2.438 λαὸν κηρύσσοντες ἀγειρόντων κατὰ νῆας ,

2.439 ἡμεῖς δ’ ἀθρόοι ὧδε κατὰ στρατὸν εὐρὺν Ἀχαιῶν

2.440 ἴομεν ὄφρα κε θᾶσσον ἐγείρομεν ὀξὺν Ἄρηα .

2.441 ὣς ἔφατ’ , οὐδ’ ἀπίθησεν ἄναξ ἀνδρῶν Ἀγαμέμνων .

2.442 αὐτίκα κηρύκεσσι λιγυφθόγγοισι κέλευσε

2.443 κηρύσσειν πόλεμον δὲ κάρη κομόωντας Ἀχαιούς ·

2.444 οἳ μὲν ἐκήρυσσον , τοὶ δ’ ἠγείροντο μάλ’ ὦκα .

2.445 οἳ δ’ ἀμφ’ Ἀτρεΐωνα διοτρεφέες βασιλῆες

2.446 θῦνον κρίνοντες , μετὰ δὲ γλαυκῶπις Ἀθήνη

2.447 αἰγίδ’ ἔχουσ’ ἐρίτιμον ἀγήρων ἀθανάτην τε ,

2.448 τῆς ἑκατὸν θύσανοι παγχρύσεοι ἠερέθονται ,

2.449 πάντες ἐϋπλεκέες , ἑκατόμβοιος δὲ ἕκαστος ·

2.450 σὺν τῇ παιφάσσουσα διέσσυτο λαὸν Ἀχαιῶν

2.451 ὀτρύνουσ’ ἰέναι · ἐν δὲ σθένος ὦρσεν ἑκάστῳ

2.452 καρδίῃ ἄλληκτον πολεμίζειν ἠδὲ μάχεσθαι .

2.453 τοῖσι δ’ ἄφαρ πόλεμος γλυκίων γένετ’ ἠὲ νέεσθαι

2.454 ἐν νηυσὶ γλαφυρῇσι φίλην ἐς πατρίδα γαῖαν .

2.455 ἠΰτε πῦρ ἀΐδηλον ἐπιφλέγει ἄσπετον ὕλην

2.456 οὔρεος ἐν κορυφῇς , ἕκαθεν δέ τε φαίνεται αὐγή ,

2.457 ὣς τῶν ἐρχομένων ἀπὸ χαλκοῦ θεσπεσίοιο

2.458 αἴγλη παμφανόωσα δι’ αἰθέρος οὐρανὸν ἷκε .

2.459 τῶν δ’ ὥς τ’ ὀρνίθων πετεηνῶν ἔθνεα πολλὰ

2.460 χηνῶν ἢ γεράνων ἢ κύκνων δουλιχοδείρων

2.461 Ἀσίω ἐν λειμῶνι Καϋστρίου ἀμφὶ ῥέεθρα

2.462 ἔνθα καὶ ἔνθα ποτῶνται ἀγαλλόμενα πτερύγεσσι

2.463 κλαγγηδὸν προκαθιζόντων , σμαραγεῖ δέ τε λειμών ,

2.464 ὣς τῶν ἔθνεα πολλὰ νεῶν ἄπο καὶ κλισιάων