Greek Reader — The Homeric Iliad (2.124

2.124 ὅρκια πιστὰ ταμόντες ἀριθμηθήμεναι ἄμφω ,

2.125 Τρῶας μὲν λέξασθαι ἐφέστιοι ὅσσοι ἔασιν ,

2.126 ἡμεῖς δ’ ἐς δεκάδας διακοσμηθεῖμεν Ἀχαιοί ,

2.127 Τρώων δ’ ἄνδρα ἕκαστοι ἑλοίμεθα οἰνοχοεύειν ,

2.128 πολλαί κεν δεκάδες δευοίατο οἰνοχόοιο .

2.129 τόσσον ἐγώ φημι πλέας ἔμμεναι υἷας Ἀχαιῶν

2.130 Τρώων , οἳ ναίουσι κατὰ πτόλιν · ἀλλ’ ἐπίκουροι

2.131 πολλέων ἐκ πολίων ἐγχέσπαλοι ἄνδρες ἔασιν ,

2.132 οἵ με μέγα πλάζουσι καὶ οὐκ εἰῶσ’ ἐθέλοντα

2.133 Ἰλίου ἐκπέρσαι εὖ ναιόμενον πτολίεθρον .

2.134 ἐννέα δὴ βεβάασι Διὸς μεγάλου ἐνιαυτοί ,

2.135 καὶ δὴ δοῦρα σέσηπε νεῶν καὶ σπάρτα λέλυνται ·

2.136 αἳ δέ που ἡμέτεραί τ’ ἄλοχοι καὶ νήπια τέκνα

2.137 εἵατ’ ἐνὶ μεγάροις ποτιδέγμεναι · ἄμμι δὲ ἔργον

2.138 αὔτως ἀκράαντον οὗ εἵνεκα δεῦρ’ ἱκόμεσθα .

2.139 ἀλλ’ ἄγεθ’ ὡς ἂν ἐγὼ εἴπω πειθώμεθα πάντες ·

2.140 φεύγωμεν σὺν νηυσὶ φίλην ἐς πατρίδα γαῖαν ·

2.141 οὐ γὰρ ἔτι Τροίην αἱρήσομεν εὐρυάγυιαν .

2.142 ὣς φάτο , τοῖσι δὲ θυμὸν ἐνὶ στήθεσσιν ὄρινε

2.143 πᾶσι μετὰ πληθὺν ὅσοι οὐ βουλῆς ἐπάκουσαν ·

2.144 κινήθη δ’ ἀγορὴ φὴ κύματα μακρὰ θαλάσσης

2.145 πόντου Ἰκαρίοιο , τὰ μέν τ’ Εὖρός τε Νότος τε

2.146 ὤρορ’ ἐπαΐξας πατρὸς Διὸς ἐκ νεφελάων .

2.147 ὡς δ’ ὅτε κινήσῃ Ζέφυρος βαθὺ λήϊον ἐλθὼν

2.148 λάβρος ἐπαιγίζων , ἐπί τ’ ἠμύει ἀσταχύεσσιν ,

2.149 ὣς τῶν πᾶσ’ ἀγορὴ κινήθη · τοὶ δ’ ἀλαλητῷ

2.150 νῆας ἔπ’ ἐσσεύοντο , ποδῶν δ’ ὑπένερθε κονίη

2.151 ἵστατ’ ἀειρομένη · τοὶ δ’ ἀλλήλοισι κέλευον

2.152 ἅπτεσθαι νηῶν ἠδ’ ἑλκέμεν εἰς ἅλα δῖαν ,

2.153 οὐρούς τ’ ἐξεκάθαιρον · ἀϋτὴ δ’ οὐρανὸν ἷκεν

2.154 οἴκαδε ἱεμένων · ὑπὸ δ’ ᾕρεον ἕρματα νηῶν .

2.155 ἔνθά κεν Ἀργείοισιν ὑπέρμορα νόστος ἐτύχθη