Greek Reader — The Homeric Iliad (9.588

9.588 δ’ ἐπὶ πύργων

9.589 βαῖνον Κουρῆτες καὶ ἐνέπρηθον μέγα ἄστυ .

9.590 καὶ τότε δὴ Μελέαγρον ἐΰζωνος παράκοιτις

9.591 λίσσετ’ ὀδυρομένη , καί οἱ κατέλεξεν ἅπαντα

9.592 κήδε’ , ὅσ’ ἀνθρώποισι πέλει τῶν ἄστυ ἁλώῃ ·

9.593 ἄνδρας μὲν κτείνουσι , πόλιν δέ τε πῦρ ἀμαθύνει ,

9.594 τέκνα δέ τ’ ἄλλοι ἄγουσι βαθυζώνους τε γυναῖκας .

9.595 τοῦ δ’ ὠρίνετο θυμὸς ἀκούοντος κακὰ ἔργα ,

9.596 βῆ δ’ ἰέναι , χροῒ δ’ ἔντε’ ἐδύσετο παμφανόωντα .

9.597 ὣς ὃ μὲν Αἰτωλοῖσιν ἀπήμυνεν κακὸν ἦμαρ

9.598 εἴξας ᾧ θυμῷ · τῷ δ’ οὐκέτι δῶρα τέλεσσαν

9.599 πολλά τε καὶ χαρίεντα , κακὸν δ’ ἤμυνε καὶ αὔτως .

9.600 ἀλλὰ σὺ μή μοι ταῦτα νόει φρεσί , μὴ δέ σε δαίμων

9.601 ἐνταῦθα τρέψειε φίλος · κάκιον δέ κεν εἴη

9.602 νηυσὶν καιομένῃσιν ἀμυνέμεν · ἀλλ’ ἐπὶ δώρων

9.603 ἔρχεο · ἶσον γάρ σε θεῷ τίσουσιν Ἀχαιοί .

9.604 εἰ δέ κ’ ἄτερ δώρων πόλεμον φθισήνορα δύῃς

9.605 οὐκέθ’ ὁμῶς τιμῆς ἔσεαι πόλεμόν περ ἀλαλκών .

9.606 τὸν δ’ ἀπαμειβόμενος προσέφη πόδας ὠκὺς Ἀχιλλεύς ·

9.607 Φοῖνιξ ἄττα γεραιὲ διοτρεφὲς οὔ τί με ταύτης

9.608 χρεὼ τιμῆς · φρονέω δὲ τετιμῆσθαι Διὸς αἴσῃ ,

9.609 ἥ μ’ ἕξει παρὰ νηυσὶ κορωνίσιν εἰς ὅ κ’ ἀϋτμὴ

9.610 ἐν στήθεσσι μένῃ καί μοι φίλα γούνατ’ ὀρώρῃ .

9.611 ἄλλο δέ τοι ἐρέω , σὺ δ’ ἐνὶ φρεσὶ βάλλεο σῇσι ·

9.612 μή μοι σύγχει θυμὸν ὀδυρόμενος καὶ ἀχεύων

9.613 Ἀτρεΐδῃ ἥρωϊ φέρων χάριν · οὐδέ τί σε χρὴ

9.614 τὸν φιλέειν , ἵνα μή μοι ἀπέχθηαι φιλέοντι .

9.615 καλόν τοι σὺν ἐμοὶ τὸν κήδειν ὅς κ’ ἐμὲ κήδῃ ·

9.616 ἶσον ἐμοὶ βασίλευε καὶ ἥμισυ μείρεο τιμῆς .

9.617 οὗτοι δ’