Greek Reader — The Homeric Iliad (9.554

9.554 στήθεσσι νόον πύκα περ φρονεόντων ,

9.555 ἤτοι ὃ μητρὶ φίλῃ Ἀλθαίῃ χωόμενος κῆρ

9.556 κεῖτο παρὰ μνηστῇ ἀλόχῳ καλῇ Κλεοπάτρῃ

9.557 κούρῃ Μαρπήσσης καλλισφύρου Εὐηνίνης

9.558 Ἴδεώ θ’ , ὃς κάρτιστος ἐπιχθονίων γένετ’ ἀνδρῶν

9.559 τῶν τότε · καί ῥα ἄνακτος ἐναντίον εἵλετο τόξον

9.560 Φοίβου Ἀπόλλωνος καλλισφύρου εἵνεκα νύμφης ,

9.561 τὴν δὲ τότ’ ἐν μεγάροισι πατὴρ καὶ πότνια μήτηρ

9.562 Ἀλκυόνην καλέεσκον ἐπώνυμον , οὕνεκ’ ἄρ’ αὐτῆς

9.563 μήτηρ ἀλκυόνος πολυπενθέος οἶτον ἔχουσα

9.564 κλαῖεν ὅ μιν ἑκάεργος ἀνήρπασε Φοῖβος Ἀπόλλων ·

9.565 τῇ ὅ γε παρκατέλεκτο χόλον θυμαλγέα πέσσων

9.566 ἐξ ἀρέων μητρὸς κεχολωμένος , ἥ ῥα θεοῖσι

9.567 πόλλ’ ἀχέουσ’ ἠρᾶτο κασιγνήτοιο φόνοιο ,

9.568 πολλὰ δὲ καὶ γαῖαν πολυφόρβην χερσὶν ἀλοία

9.569 κικλήσκουσ’ Ἀΐδην καὶ ἐπαινὴν Περσεφόνειαν

9.570 πρόχνυ καθεζομένη , δεύοντο δὲ δάκρυσι κόλποι ,

9.571 παιδὶ δόμεν θάνατον · τῆς δ’ ἠεροφοῖτις Ἐρινὺς

9.572 ἔκλυεν ἐξ Ἐρέβεσφιν ἀμείλιχον ἦτορ ἔχουσα .

9.573 τῶν δὲ τάχ’ ἀμφὶ πύλας ὅμαδος καὶ δοῦπος ὀρώρει

9.574 πύργων βαλλομένων · τὸν δὲ λίσσοντο γέροντες

9.575 Αἰτωλῶν , πέμπον δὲ θεῶν ἱερῆας ἀρίστους ,

9.576 ἐξελθεῖν καὶ ἀμῦναι ὑποσχόμενοι μέγα δῶρον ·

9.577 ὁππόθι πιότατον πεδίον Καλυδῶνος ἐραννῆς ,

9.578 ἔνθά μιν ἤνωγον τέμενος περικαλλὲς ἑλέσθαι

9.579 πεντηκοντόγυον , τὸ μὲν ἥμισυ οἰνοπέδοιο ,

9.580 ἥμισυ δὲ ψιλὴν ἄροσιν πεδίοιο ταμέσθαι .

9.581 πολλὰ δέ μιν λιτάνευε γέρων ἱππηλάτα Οἰνεὺς

9.582 οὐδοῦ ἐπεμβεβαὼς ὑψηρεφέος θαλάμοιο

9.583 σείων κολλητὰς σανίδας γουνούμενος υἱόν ·

9.584 πολλὰ δὲ τόν γε κασίγνηται καὶ πότνια μήτηρ

9.585 ἐλλίσσονθ’ · ὃ δὲ μᾶλλον ἀναίνετο · πολλὰ δ’ ἑταῖροι ,

9.586 οἵ οἱ κεδνότατοι καὶ φίλτατοι ἦσαν ἁπάντων ·

9.587 ἀλλ’ οὐδ’ ὧς τοῦ θυμὸν ἐνὶ στήθεσσιν ἔπειθον ,

9.588 πρίν γ’ ὅτε δὴ θάλαμος πύκ’ ἐβάλλετο , τοὶ