Greek Reader — The Homeric Iliad (9.338

9.338 ἐνθάδ’ ἀγείρας

9.339 Ἀτρεΐδης ; ἦ οὐχ Ἑλένης ἕνεκ’ ἠϋκόμοιο ;

9.340 ἦ μοῦνοι φιλέουσ’ ἀλόχους μερόπων ἀνθρώπων

9.341 Ἀτρεΐδαι ; ἐπεὶ ὅς τις ἀνὴρ ἀγαθὸς καὶ ἐχέφρων

9.342 τὴν αὐτοῦ φιλέει καὶ κήδεται , ὡς καὶ ἐγὼ τὴν

9.343 ἐκ θυμοῦ φίλεον δουρικτητήν περ ἐοῦσαν .

9.344 νῦν δ’ ἐπεὶ ἐκ χειρῶν γέρας εἵλετο καί μ’ ἀπάτησε

9.345 μή μευ πειράτω εὖ εἰδότος · οὐδέ με πείσει .

9.346 ἀλλ’ Ὀδυσεῦ σὺν σοί τε καὶ ἄλλοισιν βασιλεῦσι

9.347 φραζέσθω νήεσσιν ἀλεξέμεναι δήϊον πῦρ .

9.348 ἦ μὲν δὴ μάλα πολλὰ πονήσατο νόσφιν ἐμεῖο ,

9.349 καὶ δὴ τεῖχος ἔδειμε , καὶ ἤλασε τάφρον ἐπ’ αὐτῷ

9.350 εὐρεῖαν μεγάλην , ἐν δὲ σκόλοπας κατέπηξεν ·

9.351 ἀλλ’ οὐδ’ ὧς δύναται σθένος Ἕκτορος ἀνδροφόνοιο

9.352 ἴσχειν · ὄφρα δ’ ἐγὼ μετ’ Ἀχαιοῖσιν πολέμιζον

9.353 οὐκ ἐθέλεσκε μάχην ἀπὸ τείχεος ὀρνύμεν Ἕκτωρ ,

9.354 ἀλλ’ ὅσον ἐς Σκαιάς τε πύλας καὶ φηγὸν ἵκανεν ·

9.355 ἔνθά ποτ’ οἶον ἔμιμνε , μόγις δέ μευ ἔκφυγεν ὁρμήν .

9.356 νῦν δ’ ἐπεὶ οὐκ ἐθέλω πολεμιζέμεν Ἕκτορι δίῳ

9.357 αὔριον ἱρὰ Διὶ ῥέξας καὶ πᾶσι θεοῖσι

9.358 νηήσας εὖ νῆας , ἐπὴν ἅλα δὲ προερύσσω ,

9.359 ὄψεαι , αἴ κ’ ἐθέλῃσθα καὶ αἴ κέν τοι τὰ μεμήλῃ ,

9.360 ἦρι μάλ’ Ἑλλήσποντον ἐπ’ ἰχθυόεντα πλεούσας

9.361 νῆας ἐμάς , ἐν δ’ ἄνδρας ἐρεσσέμεναι μεμαῶτας ·

9.362 εἰ δέ κεν εὐπλοίην δώῃ κλυτὸς ἐννοσίγαιος

9.363 ἤματί κε τριτάτῳ Φθίην ἐρίβωλον ἱκοίμην .

9.364 ἔστι δέ μοι μάλα πολλά , τὰ κάλλιπον ἐνθάδε ἔρρων ·

9.365 ἄλλον δ’ ἐνθένδε χρυσὸν καὶ χαλκὸν ἐρυθρὸν

9.366 ἠδὲ γυναῖκας ἐϋζώνους πολιόν τε σίδηρον

9.367 ἄξομαι , ἅσσ’ ἔλαχόν γε · γέρας δέ μοι , ὅς περ ἔδωκεν ,