Greek Reader — The Homeric Iliad (2.603

2.603 Ἀρκαδίην ὑπὸ Κυλλήνης ὄρος αἰπὺ

2.604 Αἰπύτιον παρὰ τύμβον ἵν’ ἀνέρες ἀγχιμαχηταί ,

2.605 οἳ Φενεόν τ’ ἐνέμοντο καὶ Ὀρχομενὸν πολύμηλον

2.606 Ῥίπην τε Στρατίην τε καὶ ἠνεμόεσσαν Ἐνίσπην

2.607 καὶ Τεγέην εἶχον καὶ Μαντινέην ἐρατεινὴν

2.608 Στύμφηλόν τ’ εἶχον καὶ Παρρασίην ἐνέμοντο ,

2.609 τῶν ἦρχ’ Ἀγκαίοιο πάϊς κρείων Ἀγαπήνωρ

2.610 ἑξήκοντα νεῶν · πολέες δ’ ἐν νηῒ ἑκάστῃ

2.611 Ἀρκάδες ἄνδρες ἔβαινον ἐπιστάμενοι πολεμίζειν .

2.612 αὐτὸς γάρ σφιν δῶκεν ἄναξ ἀνδρῶν Ἀγαμέμνων

2.613 νῆας ἐϋσσέλμους περάαν ἐπὶ οἴνοπα πόντον

2.614 Ἀτρεΐδης , ἐπεὶ οὔ σφι θαλάσσια ἔργα μεμήλει .

2.615 οἳ δ’ ἄρα Βουπράσιόν τε καὶ Ἤλιδα δῖαν ἔναιον

2.616 ὅσσον ἐφ’ Ὑρμίνη καὶ Μύρσινος ἐσχατόωσα

2.617 πέτρη τ’ Ὠλενίη καὶ Ἀλήσιον ἐντὸς ἐέργει ,

2.618 τῶν αὖ τέσσαρες ἀρχοὶ ἔσαν , δέκα δ’ ἀνδρὶ ἑκάστῳ

2.619 νῆες ἕποντο θοαί , πολέες δ’ ἔμβαινον Ἐπειοί .

2.620 τῶν μὲν ἄρ’ Ἀμφίμαχος καὶ Θάλπιος ἡγησάσθην

2.621 υἷες ὃ μὲν Κτεάτου , ὃ δ’ ἄρ’ Εὐρύτου , Ἀκτορίωνε ·

2.622 τῶν δ’ Ἀμαρυγκεΐδης ἦρχε κρατερὸς Διώρης ·

2.623 τῶν δὲ τετάρτων ἦρχε Πολύξεινος θεοειδὴς

2.624 υἱὸς Ἀγασθένεος Αὐγηϊάδαο ἄνακτος .

2.625 οἳ δ’ ἐκ Δουλιχίοιο Ἐχινάων θ’ ἱεράων

2.626 νήσων , αἳ ναίουσι πέρην ἁλὸς Ἤλιδος ἄντα ,

2.627 τῶν αὖθ’ ἡγεμόνευε Μέγης ἀτάλαντος Ἄρηϊ

2.628 Φυλεΐδης , ὃν τίκτε Διῒ φίλος ἱππότα Φυλεύς ,

2.629 ὅς ποτε Δουλίχιον δ’ ἀπενάσσατο πατρὶ χολωθείς ·

2.630 τῷ δ’ ἅμα τεσσαράκοντα μέλαιναι νῆες ἕποντο .

2.631 αὐτὰρ Ὀδυσσεὺς ἦγε Κεφαλλῆνας μεγαθύμους ,

2.632 οἵ ῥ’ Ἰθάκην εἶχον καὶ Νήριτον εἰνοσίφυλλον

2.633 καὶ Κροκύλει’ ἐνέμοντο καὶ Αἰγίλιπα τρηχεῖαν ,

2.634 οἵ τε Ζάκυνθον ἔχον ἠδ’ οἳ Σάμον ἀμφενέμοντο ,

2.635 οἵ τ’ ἤπειρον ἔχον ἠδ’ ἀντιπέραι’ ἐνέμοντο ·

2.636 τῶν μὲν Ὀδυσσεὺς ἦρχε Διὶ μῆτιν