Greek Reader — The Homeric Iliad (2.569

2.569 Μυκήνας εἶχον ἐϋκτίμενον πτολίεθρον

2.570 ἀφνειόν τε Κόρινθον ἐϋκτιμένας τε Κλεωνάς ,

2.571 Ὀρνειάς τ’ ἐνέμοντο Ἀραιθυρέην τ’ ἐρατεινὴν

2.572 καὶ Σικυῶν’ , ὅθ’ ἄρ’ Ἄδρηστος πρῶτ’ ἐμβασίλευεν ,

2.573 οἵ θ’ Ὑπερησίην τε καὶ αἰπεινὴν Γονόεσσαν

2.574 Πελλήνην τ’ εἶχον ἠδ’ Αἴγιον ἀμφενέμοντο

2.575 Αἰγιαλόν τ’ ἀνὰ πάντα καὶ ἀμφ’ Ἑλίκην εὐρεῖαν ,

2.576 τῶν ἑκατὸν νηῶν ἦρχε κρείων Ἀγαμέμνων

2.577 Ἀτρεΐδης · ἅμα τῷ γε πολὺ πλεῖστοι καὶ ἄριστοι

2.578 λαοὶ ἕποντ’ · ἐν δ’ αὐτὸς ἐδύσετο νώροπα χαλκὸν

2.579 κυδιόων , πᾶσιν δὲ μετέπρεπεν ἡρώεσσιν

2.580 οὕνεκ’ ἄριστος ἔην πολὺ δὲ πλείστους ἄγε λαούς .

2.581 οἳ δ’ εἶχον κοίλην Λακεδαίμονα κητώεσσαν ,

2.582 Φᾶρίν τε Σπάρτην τε πολυτρήρωνά τε Μέσσην ,

2.583 Βρυσειάς τ’ ἐνέμοντο καὶ Αὐγειὰς ἐρατεινάς ,

2.584 οἵ τ’ ἄρ’ Ἀμύκλας εἶχον Ἕλος τ’ ἔφαλον πτολίεθρον ,

2.585 οἵ τε Λάαν εἶχον ἠδ’ Οἴτυλον ἀμφενέμοντο ,

2.586 τῶν οἱ ἀδελφεὸς ἦρχε βοὴν ἀγαθὸς Μενέλαος

2.587 ἑξήκοντα νεῶν · ἀπάτερθε δὲ θωρήσσοντο ·

2.588 ἐν δ’ αὐτὸς κίεν ᾗσι προθυμίῃσι πεποιθὼς

2.589 ὀτρύνων πόλεμον δέ · μάλιστα δὲ ἵετο θυμῷ

2.590 τίσασθαι Ἑλένης ὁρμήματά τε στοναχάς τε .

2.591 οἳ δὲ Πύλον τ’ ἐνέμοντο καὶ Ἀρήνην ἐρατεινὴν

2.592 καὶ Θρύον Ἀλφειοῖο πόρον καὶ ἐΰκτιτον Αἰπὺ

2.593 καὶ Κυπαρισσήεντα καὶ Ἀμφιγένειαν ἔναιον

2.594 καὶ Πτελεὸν καὶ Ἕλος καὶ Δώριον , ἔνθά τε Μοῦσαι

2.595 ἀντόμεναι Θάμυριν τὸν Θρήϊκα παῦσαν ἀοιδῆς

2.596 Οἰχαλίηθεν ἰόντα παρ’ Εὐρύτου Οἰχαλιῆος ·

2.597 στεῦτο γὰρ εὐχόμενος νικησέμεν εἴ περ ἂν αὐταὶ

2.598 Μοῦσαι ἀείδοιεν κοῦραι Διὸς αἰγιόχοιο ·

2.599 αἳ δὲ χολωσάμεναι πηρὸν θέσαν , αὐτὰρ ἀοιδὴν

2.600 θεσπεσίην ἀφέλοντο καὶ ἐκλέλαθον κιθαριστύν ·

2.601 τῶν αὖθ’ ἡγεμόνευε Γερήνιος ἱππότα Νέστωρ ·

2.602 τῷ δ’ ἐνενήκοντα γλαφυραὶ νέες ἐστιχόωντο .

2.603 οἳ δ’ ἔχον