Greek Reader — The Homeric Iliad (1.475

1.475 ἠέλιος κατέδυ καὶ ἐπὶ κνέφας ἦλθε ,

1.476 δὴ τότε κοιμήσαντο παρὰ πρυμνήσια νηός ·

1.477 ἦμος δ’ ἠριγένεια φάνη ῥοδοδάκτυλος Ἠώς ,

1.478 καὶ τότ’ ἔπειτ’ ἀνάγοντο μετὰ στρατὸν εὐρὺν Ἀχαιῶν ·

1.479 τοῖσιν δ’ ἴκμενον οὖρον ἵει ἑκάεργος Ἀπόλλων ·

1.480 οἳ δ’ ἱστὸν στήσαντ’ ἀνά θ’ ἱστία λευκὰ πέτασσαν ,

1.481 ἐν δ’ ἄνεμος πρῆσεν μέσον ἱστίον , ἀμφὶ δὲ κῦμα

1.482 στείρῃ πορφύρεον μεγάλ’ ἴαχε νηὸς ἰούσης ·

1.483 ἣ δ’ ἔθεεν κατὰ κῦμα διαπρήσσουσα κέλευθον .

1.484 αὐτὰρ ἐπεί ῥ’ ἵκοντο κατὰ στρατὸν εὐρὺν Ἀχαιῶν ,

1.485 νῆα μὲν οἵ γε μέλαιναν ἐπ’ ἠπείροιο ἔρυσσαν

1.486 ὑψοῦ ἐπὶ ψαμάθοις , ὑπὸ δ’ ἕρματα μακρὰ τάνυσσαν ·

1.487 αὐτοὶ δ’ ἐσκίδναντο κατὰ κλισίας τε νέας τε .

1.488 αὐτὰρ ὃ μήνιε νηυσὶ παρήμενος ὠκυπόροισι

1.489 διογενὴς Πηλῆος υἱὸς πόδας ὠκὺς Ἀχιλλεύς ·

1.490 οὔτέ ποτ’ εἰς ἀγορὴν πωλέσκετο κυδιάνειραν

1.491 οὔτέ ποτ’ ἐς πόλεμον , ἀλλὰ φθινύθεσκε φίλον κῆρ

1.492 αὖθι μένων , ποθέεσκε δ’ ἀϋτήν τε πτόλεμόν τε .

1.493 ἀλλ’ ὅτε δή ῥ’ ἐκ τοῖο δυωδεκάτη γένετ’ ἠώς ,

1.494 καὶ τότε δὴ πρὸς Ὄλυμπον ἴσαν θεοὶ αἰὲν ἐόντες

1.495 πάντες ἅμα , Ζεὺς δ’ ἦρχε · Θέτις δ’ οὐ λήθετ’ ἐφετμέων

1.496 παιδὸς ἑοῦ , ἀλλ’ ἥ γ’ ἀνεδύσετο κῦμα θαλάσσης .

1.497 ἠερίη δ’ ἀνέβη μέγαν οὐρανὸν Οὔλυμπόν τε .

1.498 εὗρεν δ’ εὐρύοπα Κρονίδην ἄτερ ἥμενον ἄλλων

1.499 ἀκροτάτῃ κορυφῇ πολυδειράδος Οὐλύμποιο ·

1.500 καί ῥα πάροιθ’ αὐτοῖο καθέζετο , καὶ λάβε γούνων

1.501 σκαιῇ , δεξιτερῇ δ’ ἄρ’ ὑπ’ ἀνθερεῶνος ἑλοῦσα

1.502 λισσομένη προσέειπε Δία Κρονίωνα ἄνακτα ·

1.503 Ζεῦ πάτερ εἴ ποτε δή σε μετ’ ἀθανάτοισιν ὄνησα

1.504 ἢ ἔπει ἢ ἔργῳ , τόδε μοι κρήηνον ἐέλδωρ ·