Greek Reader — The Homeric Iliad (1.505

1.505 τίμησόν μοι υἱὸν ὃς ὠκυμορώτατος ἄλλων

1.506 ἔπλετ’ · ἀτάρ μιν νῦν γε ἄναξ ἀνδρῶν Ἀγαμέμνων

1.507 ἠτίμησεν · ἑλὼν γὰρ ἔχει γέρας αὐτὸς ἀπούρας .

1.508 ἀλλὰ σύ πέρ μιν τῖσον Ὀλύμπιε μητίετα Ζεῦ ·

1.509 τόφρα δ’ ἐπὶ Τρώεσσι τίθει κράτος ὄφρ’ ἂν Ἀχαιοὶ

1.510 υἱὸν ἐμὸν τίσωσιν ὀφέλλωσίν τέ ἑ τιμῇ .

1.511 ὣς φάτο · τὴν δ’ οὔ τι προσέφη νεφεληγερέτα Ζεύς ,

1.512 ἀλλ’ ἀκέων δὴν ἧστο · Θέτις δ’ ὡς ἥψατο γούνων

1.513 ὣς ἔχετ’ ἐμπεφυυῖα , καὶ εἴρετο δεύτερον αὖτις ·

1.514 νημερτὲς μὲν δή μοι ὑπόσχεο καὶ κατάνευσον

1.515 ἢ ἀπόειπ’ , ἐπεὶ οὔ τοι ἔπι δέος , ὄφρ’ ἐῢ εἰδέω

1.516 ὅσσον ἐγὼ μετὰ πᾶσιν ἀτιμοτάτη θεός εἰμι .

1.517 τὴν δὲ μέγ’ ὀχθήσας προσέφη νεφεληγερέτα Ζεύς ·

1.518 ἦ δὴ λοίγια ἔργ’ ὅ τέ μ’ ἐχθοδοπῆσαι ἐφήσεις

1.519 Ἥρῃ ὅτ’ ἄν μ’ ἐρέθῃσιν ὀνειδείοις ἐπέεσσιν ·

1.520 ἣ δὲ καὶ αὔτως μ’ αἰεὶ ἐν ἀθανάτοισι θεοῖσι

1.521 νεικεῖ , καί τέ μέ φησι μάχῃ Τρώεσσιν ἀρήγειν .

1.522 ἀλλὰ σὺ μὲν νῦν αὖτις ἀπόστιχε μή τι νοήσῃ

1.523 Ἥρη · ἐμοὶ δέ κε ταῦτα μελήσεται ὄφρα τελέσσω ·

1.524 εἰ δ’ ἄγε τοι κεφαλῇ κατανεύσομαι ὄφρα πεποίθῃς ·

1.525 τοῦτο γὰρ ἐξ ἐμέθεν γε μετ’ ἀθανάτοισι μέγιστον

1.526 τέκμωρ · οὐ γὰρ ἐμὸν παλινάγρετον οὐδ’ ἀπατηλὸν

1.527 οὐδ’ ἀτελεύτητον ὅ τί κεν κεφαλῇ κατανεύσω .

1.528 ἦ καὶ κυανέῃσιν ἐπ’ ὀφρύσι νεῦσε Κρονίων ·

1.529 ἀμβρόσιαι δ’ ἄρα χαῖται ἐπερρώσαντο ἄνακτος

1.530 κρατὸς ἀπ’ ἀθανάτοιο · μέγαν δ’ ἐλέλιξεν Ὄλυμπον .

1.531 τώ γ’ ὣς βουλεύσαντε διέτμαγεν · ἣ μὲν ἔπειτα

1.532 εἰς ἅλα ἆλτο βαθεῖαν ἀπ’ αἰγλήεντος Ὀλύμπου ,

1.533 Ζεὺς δὲ ἑὸν πρὸς δῶμα · θεοὶ