Greek Reader — The Homeric Iliad (1.444

1.444 Δαναῶν ὄφρ’ ἱλασόμεσθα ἄνακτα ,

1.445 ὃς νῦν Ἀργείοισι πολύστονα κήδε’ ἐφῆκεν .

1.446 ὣς εἰπὼν ἐν χερσὶ τίθει , ὃ δὲ δέξατο χαίρων

1.447 παῖδα φίλην · τοὶ δ’ ὦκα θεῷ ἱερὴν ἑκατόμβην

1.448 ἑξείης ἔστησαν ἐΰδμητον περὶ βωμόν ,

1.449 χερνίψαντο δ’ ἔπειτα καὶ οὐλοχύτας ἀνέλοντο .

1.450 τοῖσιν δὲ Χρύσης μεγάλ’ εὔχετο χεῖρας ἀνασχών ·

1.451 κλῦθί μευ ἀργυρότοξ’ , ὃς Χρύσην ἀμφιβέβηκας

1.452 Κίλλαν τε ζαθέην Τενέδοιό τε ἶφι ἀνάσσεις ·

1.453 ἦ μὲν δή ποτ’ ἐμεῦ πάρος ἔκλυες εὐξαμένοιο ,

1.454 τίμησας μὲν ἐμέ , μέγα δ’ ἴψαο λαὸν Ἀχαιῶν ·

1.455 ἠδ’ ἔτι καὶ νῦν μοι τόδ’ ἐπικρήηνον ἐέλδωρ ·

1.456 ἤδη νῦν Δαναοῖσιν ἀεικέα λοιγὸν ἄμυνον .

1.457 ὣς ἔφατ’ εὐχόμενος , τοῦ δ’ ἔκλυε Φοῖβος Ἀπόλλων .

1.458 αὐτὰρ ἐπεί ῥ’ εὔξαντο καὶ οὐλοχύτας προβάλοντο ,

1.459 αὐέρυσαν μὲν πρῶτα καὶ ἔσφαξαν καὶ ἔδειραν ,

1.460 μηρούς τ’ ἐξέταμον κατά τε κνίσῃ ἐκάλυψαν

1.461 δίπτυχα ποιήσαντες , ἐπ’ αὐτῶν δ’ ὠμοθέτησαν ·

1.462 καῖε δ’ ἐπὶ σχίζῃς ὁ γέρων , ἐπὶ δ’ αἴθοπα οἶνον

1.463 λεῖβε · νέοι δὲ παρ’ αὐτὸν ἔχον πεμπώβολα χερσίν .

1.464 αὐτὰρ ἐπεὶ κατὰ μῆρε κάη καὶ σπλάγχνα πάσαντο ,

1.465 μίστυλλόν τ’ ἄρα τἆλλα καὶ ἀμφ’ ὀβελοῖσιν ἔπειραν ,

1.466 ὤπτησάν τε περιφραδέως , ἐρύσαντό τε πάντα .

1.467 αὐτὰρ ἐπεὶ παύσαντο πόνου τετύκοντό τε δαῖτα

1.468 δαίνυντ’ , οὐδέ τι θυμὸς ἐδεύετο δαιτὸς ἐΐσης .

1.469 αὐτὰρ ἐπεὶ πόσιος καὶ ἐδητύος ἐξ ἔρον ἕντο ,

1.470 κοῦροι μὲν κρητῆρας ἐπεστέψαντο ποτοῖο ,

1.471 νώμησαν δ’ ἄρα πᾶσιν ἐπαρξάμενοι δεπάεσσιν ·

1.472 οἳ δὲ πανημέριοι μολπῇ θεὸν ἱλάσκοντο

1.473 καλὸν ἀείδοντες παιήονα κοῦροι Ἀχαιῶν

1.474 μέλποντες ἑκάεργον · ὃ δὲ φρένα τέρπετ’ ἀκούων .

1.475 ἦμος δ’