Greek Reader — The Homeric Iliad (1.414

1.414 ἔτρεφον αἰνὰ τεκοῦσα ;

1.415 αἴθ’ ὄφελες παρὰ νηυσὶν ἀδάκρυτος καὶ ἀπήμων

1.416 ἧσθαι , ἐπεί νύ τοι αἶσα μίνυνθά περ οὔ τι μάλα δήν ·

1.417 νῦν δ’ ἅμα τ’ ὠκύμορος καὶ ὀϊζυρὸς περὶ πάντων

1.418 ἔπλεο · τώ σε κακῇ αἴσῃ τέκον ἐν μεγάροισι .

1.419 τοῦτο δέ τοι ἐρέουσα ἔπος Διὶ τερπικεραύνῳ

1.420 εἶμ’ αὐτὴ πρὸς Ὄλυμπον ἀγάννιφον αἴ κε πίθηται .

1.421 ἀλλὰ σὺ μὲν νῦν νηυσὶ παρήμενος ὠκυπόροισι

1.422 μήνι’ Ἀχαιοῖσιν , πολέμου δ’ ἀποπαύεο πάμπαν ·

1.423 Ζεὺς γὰρ ἐς Ὠκεανὸν μετ’ ἀμύμονας Αἰθιοπῆας

1.424 χθιζὸς ἔβη κατὰ δαῖτα , θεοὶ δ’ ἅμα πάντες ἕποντο ·

1.425 δωδεκάτῃ δέ τοι αὖτις ἐλεύσεται Οὔλυμπον δέ ,

1.426 καὶ τότ’ ἔπειτά τοι εἶμι Διὸς ποτὶ χαλκοβατὲς δῶ ,

1.427 καί μιν γουνάσομαι καί μιν πείσεσθαι ὀΐω .

1.428 ὣς ἄρα φωνήσασ’ ἀπεβήσετο , τὸν δὲ λίπ’ αὐτοῦ

1.429 χωόμενον κατὰ θυμὸν ἐϋζώνοιο γυναικὸς

1.430 τήν ῥα βίῃ ἀέκοντος ἀπηύρων · αὐτὰρ Ὀδυσσεὺς

1.431 ἐς Χρύσην ἵκανεν ἄγων ἱερὴν ἑκατόμβην .

1.432 οἳ δ’ ὅτε δὴ λιμένος πολυβενθέος ἐντὸς ἵκοντο

1.433 ἱστία μὲν στείλαντο , θέσαν δ’ ἐν νηῒ μελαίνῃ ,

1.434 ἱστὸν δ’ ἱστοδόκῃ πέλασαν προτόνοισιν ὑφέντες

1.435 καρπαλίμως , τὴν δ’ εἰς ὅρμον προέρεσσαν ἐρετμοῖς .

1.436 ἐκ δ’ εὐνὰς ἔβαλον , κατὰ δὲ πρυμνήσι’ ἔδησαν ·

1.437 ἐκ δὲ καὶ αὐτοὶ βαῖνον ἐπὶ ῥηγμῖνι θαλάσσης ,

1.438 ἐκ δ’ ἑκατόμβην βῆσαν ἑκηβόλῳ Ἀπόλλωνι ·

1.439 ἐκ δὲ Χρυσηῒς νηὸς βῆ ποντοπόροιο .

1.440 τὴν μὲν ἔπειτ’ ἐπὶ βωμὸν ἄγων πολύμητις Ὀδυσσεὺς

1.441 πατρὶ φίλῳ ἐν χερσὶ τίθει καί μιν προσέειπεν ·

1.442 ὦ Χρύση , πρό μ’ ἔπεμψεν ἄναξ ἀνδρῶν Ἀγαμέμνων

1.443 παῖδά τε σοὶ ἀγέμεν , Φοίβῳ θ’ ἱερὴν ἑκατόμβην

1.444 ῥέξαι ὑπὲρ