Greek Reader — The Homeric Iliad (1.383

1.383 θεοῖο

1.384 πάντῃ ἀνὰ στρατὸν εὐρὺν Ἀχαιῶν · ἄμμι δὲ μάντις

1.385 εὖ εἰδὼς ἀγόρευε θεοπροπίας ἑκάτοιο .

1.386 αὐτίκ’ ἐγὼ πρῶτος κελόμην θεὸν ἱλάσκεσθαι ·

1.387 Ἀτρεΐωνα δ’ ἔπειτα χόλος λάβεν , αἶψα δ’ ἀναστὰς

1.388 ἠπείλησεν μῦθον ὃ δὴ τετελεσμένος ἐστί ·

1.389 τὴν μὲν γὰρ σὺν νηῒ θοῇ ἑλίκωπες Ἀχαιοὶ

1.390 ἐς Χρύσην πέμπουσιν , ἄγουσι δὲ δῶρα ἄνακτι ·

1.391 τὴν δὲ νέον κλισίηθεν ἔβαν κήρυκες ἄγοντες

1.392 κούρην Βρισῆος τήν μοι δόσαν υἷες Ἀχαιῶν .

1.393 ἀλλὰ σὺ εἰ δύνασαί γε περίσχεο παιδὸς ἑῆος ·

1.394 ἐλθοῦσ’ Οὔλυμπον δὲ Δία λίσαι , εἴ ποτε δή τι

1.395 ἢ ἔπει ὤνησας κραδίην Διὸς ἠὲ καὶ ἔργῳ .

1.396 πολλάκι γάρ σεο πατρὸς ἐνὶ μεγάροισιν ἄκουσα

1.397 εὐχομένης ὅτ’ ἔφησθα κελαινεφέϊ Κρονίωνι

1.398 οἴη ἐν ἀθανάτοισιν ἀεικέα λοιγὸν ἀμῦναι ,

1.399 ὁππότε μιν ξυνδῆσαι Ὀλύμπιοι ἤθελον ἄλλοι

1.400 Ἥρη τ’ ἠδὲ Ποσειδάων καὶ Παλλὰς Ἀθήνη ·

1.401 ἀλλὰ σὺ τόν γ’ ἐλθοῦσα θεὰ ὑπελύσαο δεσμῶν ,

1.402 ὦχ’ ἑκατόγχειρον καλέσασ’ ἐς μακρὸν Ὄλυμπον ,

1.403 ὃν Βριάρεων καλέουσι θεοί , ἄνδρες δέ τε πάντες

1.404 Αἰγαίων’ , ὃ γὰρ αὖτε βίην οὗ πατρὸς ἀμείνων ·

1.405 ὅς ῥα παρὰ Κρονίωνι καθέζετο κύδεϊ γαίων ·

1.406 τὸν καὶ ὑπέδεισαν μάκαρες θεοὶ οὐδ’ ἔτ’ ἔδησαν .

1.407 τῶν νῦν μιν μνήσασα παρέζεο καὶ λαβὲ γούνων

1.408 αἴ κέν πως ἐθέλῃσιν ἐπὶ Τρώεσσιν ἀρῆξαι ,

1.409 τοὺς δὲ κατὰ πρύμνας τε καὶ ἀμφ’ ἅλα ἔλσαι Ἀχαιοὺς

1.410 κτεινομένους , ἵνα πάντες ἐπαύρωνται βασιλῆος ,

1.411 γνῷ δὲ καὶ Ἀτρεΐδης εὐρὺ κρείων Ἀγαμέμνων

1.412 ἣν ἄτην ὅ τ’ ἄριστον Ἀχαιῶν οὐδὲν ἔτισεν .

1.413 τὸν δ’ ἠμείβετ’ ἔπειτα Θέτις κατὰ δάκρυ χέουσα ·

1.414 ὤ μοι τέκνον ἐμόν , τί νύ σ’