Greek Reader — The Homeric Iliad (1.354

1.354 δ’ οὐδέ με τυτθὸν ἔτισεν ·

1.355 ἦ γάρ μ’ Ἀτρεΐδης εὐρὺ κρείων Ἀγαμέμνων

1.356 ἠτίμησεν · ἑλὼν γὰρ ἔχει γέρας αὐτὸς ἀπούρας .

1.357 ὣς φάτο δάκρυ χέων , τοῦ δ’ ἔκλυε πότνια μήτηρ

1.358 ἡμένη ἐν βένθεσσιν ἁλὸς παρὰ πατρὶ γέροντι ·

1.359 καρπαλίμως δ’ ἀνέδυ πολιῆς ἁλὸς ἠΰτ’ ὀμίχλη ,

1.360 καί ῥα πάροιθ’ αὐτοῖο καθέζετο δάκρυ χέοντος ,

1.361 χειρί τέ μιν κατέρεξεν ἔπος τ’ ἔφατ’ ἔκ τ’ ὀνόμαζε ·

1.362 τέκνον τί κλαίεις ; τί δέ σε φρένας ἵκετο πένθος ;

1.363 ἐξαύδα , μὴ κεῦθε νόῳ , ἵνα εἴδομεν ἄμφω .

1.364 τὴν δὲ βαρὺ στενάχων προσέφη πόδας ὠκὺς Ἀχιλλεύς ·

1.365 οἶσθα · τί ἤ τοι ταῦτα ἰδυίῃ πάντ’ ἀγορεύω ;

1.366 ᾠχόμεθ’ ἐς Θήβην ἱερὴν πόλιν Ἠετίωνος ,

1.367 τὴν δὲ διεπράθομέν τε καὶ ἤγομεν ἐνθάδε πάντα ·

1.368 καὶ τὰ μὲν εὖ δάσσαντο μετὰ σφίσιν υἷες Ἀχαιῶν ,

1.369 ἐκ δ’ ἕλον Ἀτρεΐδῃ Χρυσηΐδα καλλιπάρῃον .

1.370 Χρύσης δ’ αὖθ’ ἱερεὺς ἑκατηβόλου Ἀπόλλωνος

1.371 ἦλθε θοὰς ἐπὶ νῆας Ἀχαιῶν χαλκοχιτώνων

1.372 λυσόμενός τε θύγατρα φέρων τ’ ἀπερείσι’ ἄποινα ,

1.373 στέμματ’ ἔχων ἐν χερσὶν ἑκηβόλου Ἀπόλλωνος

1.374 χρυσέῳ ἀνὰ σκήπτρῳ , καὶ λίσσετο πάντας Ἀχαιούς ,

1.375 Ἀτρεΐδα δὲ μάλιστα δύω κοσμήτορε λαῶν .

1.376 ἔνθ’ ἄλλοι μὲν πάντες ἐπευφήμησαν Ἀχαιοὶ

1.377 αἰδεῖσθαί θ’ ἱερῆα καὶ ἀγλαὰ δέχθαι ἄποινα ·

1.378 ἀλλ’ οὐκ Ἀτρεΐδῃ Ἀγαμέμνονι ἥνδανε θυμῷ ,

1.379 ἀλλὰ κακῶς ἀφίει , κρατερὸν δ’ ἐπὶ μῦθον ἔτελλε ·

1.380 χωόμενος δ’ ὁ γέρων πάλιν ᾤχετο · τοῖο δ’ Ἀπόλλων

1.381 εὐξαμένου ἤκουσεν , ἐπεὶ μάλα οἱ φίλος ἦεν ,

1.382 ἧκε δ’ ἐπ’ Ἀργείοισι κακὸν βέλος · οἳ δέ νυ λαοὶ

1.383 θνῇσκον ἐπασσύτεροι , τὰ δ’ ἐπῴχετο κῆλα