Greek Reader — Aristophanes Lysistrata (42–62)

Aristophanes Lysistrata 42–62

Καλονίκη

42 τί δ’ ἂν γυναῖκες φρόνιμον ἐργασαίατο

43 ἢ λαμπρόν , αἳ καθήμεθ’ ἐξηνθισμέναι ,

44 κροκωτοφοροῦσαι καὶ κεκαλλωπισμέναι

45 καὶ Κιμμερίκ’ ὀρθοστάδια καὶ περιβαρίδας ;

Λυσιστράτη

46 ταῦτ’ αὐτὰ γάρ τοι κἄσθ’ ἃ σώσειν προσδοκῶ ,

47 τὰ κροκωτίδια καὶ τὰ μύρα χαἰ περιβαρίδες

48 χἤγχουσα καὶ τὰ διαφανῆ χιτώνια .

Καλονίκη

49 τίνα δὴ τρόπον ποθ’ ;

Λυσιστράτη

ὥστε τῶν νῦν μηδένα

50 ἀνδρῶν ἐπ’ ἀλλήλοισιν ἄρεσθαι δόρυ —

Καλονίκη

51 κροκωτὸν ἄρα νὴ τὼ θεὼ ’γὼ βάψομαι .

Λυσιστράτη

52 μηδ’ ἀσπίδα λαβεῖν —

Καλονίκη

Κιμμερικὸν ἐνδύσομαι .

Λυσιστράτη

53 μηδὲ ξιφίδιον .

Καλονίκη

κτήσομαι περιβαρίδας .

Λυσιστράτη

54 ἆρ’ οὐ παρεῖναι τὰς γυναῖκας δῆτ’ ἐχρῆν ;

Καλονίκη

55 οὐ γὰρ μὰ Δί’ ἀλλὰ πετομένας ἥκειν πάλαι .

Λυσιστράτη

56 ἀλλ’ ὦ μέλ’ ὄψει τοι σφόδρ’ αὐτὰς Ἀττικάς ,

57 ἅπαντα δρώσας τοῦ δέοντος ὕστερον .

58 ἀλλ’ οὐδὲ Παράλων οὐδεμία γυνὴ πάρα ,

59 οὐδ’ ἐκ Σαλαμῖνος .

Καλονίκη

ἀλλ’ ἐκεῖναί γ’ οἶδ’ ὅτι

60 ἐπὶ τῶν κελήτων διαβεβήκασ’ ὄρθριαι .

Λυσιστράτη

61 οὐδ’ ἃς προσεδόκων κἀλογιζόμην ἐγὼ

62 πρώτας παρέσεσθαι δεῦρο τὰς Ἀχαρνέων