Ἀπόλλων
614 λέξω πρὸς ὑμᾶς τόνδ’ Ἀθηναίας μέγαν
615 θεσμὸν δικαίως , — μάντις ὢν δ’ οὐ ψεύσομαι .
616 οὐπώποτ’ εἶπον μαντικοῖσιν ἐν θρόνοις ,
617 οὐκ ἀνδρός , οὐ γυναικός , οὐ πόλεως πέρι ,
618 ὃ μὴ κελεύσαι Ζεὺς Ὀλυμπίων πατήρ .
619 τὸ μὲν δίκαιον τοῦθ’ ὅσον σθένει μαθεῖν ,
620 βουλῇ πιφαύσκω δ’ ὔμμ’ ἐπισπέσθαι πατρός ·
621 ὅρκος γὰρ οὔτι Ζηνὸς ἰσχύει πλέον .
Χορός
622 Ζεύς , ὡς λέγεις σύ , τόνδε χρησμὸν ὤπασε ,
623 φράζειν Ὀρέστῃ τῷδε , τὸν πατρὸς φόνον
624 πράξαντα μητρὸς μηδαμοῦ τιμὰς νέμειν ;