Ἄγγελος
1042 τῶν Λαΐου δήπου τις ὠνομάζετο .
Οἰδίπους
1043 ἦ τοῦ τυράννου τῆσδε γῆς πάλαι ποτέ ;
Ἄγγελος
1044 μάλιστα ʹ τούτου τἀνδρὸς οὗτος ἦν βοτήρ .
Οἰδίπους
1045 ἦ κἄστ’ ἔτι ζῶν οὗτος , ὥστ’ ἰδεῖν ἐμέ ;
Ἄγγελος
1046 ὑμεῖς γ’ ἄριστ’ εἰδεῖτ’ ἂν οὑπιχώριοι .
Οἰδίπους
1047 ἔστιν τις ὑμῶν τῶν παρεστώτων πέλας ,
1048 ὅστις κάτοιδε τὸν βοτῆρ’ ὃν ἐννέπει ,
1049 εἴτ’ οὖν ἐπ’ ἀγρῶν εἴτε κἀνθάδ’ εἰσιδών ;
1050 σημήναθ’ , ὡς ὁ καιρὸς ηὑρῆσθαι τάδε .
Χορός
1051 οἶμαι μὲν οὐδέν’ ἄλλον ἢ τὸν ἐξ ἀγρῶν ,
1052 ὃν κἀμάτευες πρόσθεν εἰσιδεῖν ʹ ἀτὰρ
1053 ἥδ’ ἂν τάδ’ οὐχ ἥκιστ’ ἂν Ἰοκάστη λέγοι .
Οἰδίπους
1054 γύναι , νοεῖς ἐκεῖνον , ὅντιν’ ἀρτίως
1055 μολεῖν ἐφιέμεσθα ; τόνδ’ οὗτος λέγει ;
Ἰοκάστη
1056 τί δ’ ὅντιν’ εἶπε ; μηδὲν ἐντραπῇς ʹ τὰ δὲ
1057 ῥηθέντα βούλου μη δὲ μεμνῆσθαι μάτην .
Οἰδίπους
1058 οὐκ ἂν γένοιτο τοῦθ’ ὅπως ἐγὼ λαβὼν
1059 σημεῖα τοιαῦτ’ οὐ φανῶ τοὐμὸν γένος .
Ἰοκάστη
1060 μὴ πρὸς θεῶν , εἴπερ τι τοῦ σαυτοῦ βίου
1061 κήδει , ματεύσῃς τοῦθ’ ʹ ἅλις νοσοῦσ’ ἐγώ .
Οἰδίπους
1062 θάρσει ʹ σὺ μὲν γὰρ οὐ δ’ ἐὰν τρίτης ἐγὼ
1063 μητρὸς φανῶ τρίδουλος , ἐκφανεῖ κακή .
Ἰοκάστη
1064 ὅμως πιθοῦ μοι , λίσσομαι ʹ μὴ δρᾶ τάδε .