Greek Reader — Sophocles Oedipus Tyrannos (708–732)

Sophocles Oedipus Tyrannos 708–732

708 ἐμοῦ ’ πάκουσον , καὶ μάθ’ οὕνεκ’ ἐστί σοι

709 βρότειον οὐδὲν μαντικῆς ἔχον τέχνης .

710 φανῶ δέ σοι σημεῖα τῶνδε σύντομα .

711 χρησμὸς γὰρ ἦλθε Λαΐῳ ποτ’ , οὐκ ἐρῶ

712 Φοίβου γ’ ἄπ’ αὐτοῦ , τῶν δ’ ὑπηρετῶν ἄπο ,

713 ὡς αὐτὸν ἕξοι μοῖρα πρὸς παιδὸς θανεῖν ,

714 ὅστις γένοιτ’ ἐμοῦ τε κἀκείνου πάρα .

715 καὶ τὸν μέν , ὥσπερ γ’ ἡ φάτις , ξένοι ποτὲ

716 λῃσταὶ φονεύουσ’ ἐν τριπλαῖς ἁμαξιτοῖς ʹ

717 παιδὸς δὲ βλάστας οὐ διέσχον ἡμέραι

718 τρεῖς , καί νιν ἄρθρα κεῖνος ἐνζεύξας ποδοῖν

719 ἔρριψεν ἄλλων χερσὶν ἄβατον εἰς ὄρος .

720 κἀνταῦθ’ Ἀπόλλων οὔ τ’ ἐκεῖνον ἤνυσεν

721 φονέα γενέσθαι πατρὸς οὔ τε Λάϊον

722 τὸ δεινὸν οὑφοβεῖτο πρὸς παιδὸς θανεῖν .

723 τοιαῦτα φῆμαι μαντικαὶ διώρισαν ,

724 ὧν ἐντρέπου σὺ μηδέν ʹ ὧν γὰρ ἂν θεὸς

725 χρείαν ἐρευνᾷ , ῥᾳδίως αὐτὸς φανεῖ .

Οἰδίπους

726 οἷόν μ’ ἀκούσαντ’ ἀρτίως ἔχει , γύναι ,

727 ψυχῆς πλάνημα κἀνακίνησις φρενῶν .

Ἰοκάστη

728 ποίας μερίμνης τοῦθ’ ὑποστραφεὶς λέγεις ;

Οἰδίπους

729 ἔδοξ’ ἀκοῦσαι σοῦ τόδ’ , ὡς ὁ Λάϊος

730 κατασφαγείη πρὸς τριπλαῖς ἁμαξιτοῖς .

Ἰοκάστη

731 ηὐδᾶτο γὰρ ταῦτ’ οὐ δέ πω λήξαντ’ ἔχει .

Οἰδίπους

732 καὶ ποῦ ’ σθ’ ὁ χῶρος οὗτος οὗ τόδ’ ἦν πάθος ;