Greek Reader — Sophocles Oedipus Tyrannos (533–556)

Sophocles Oedipus Tyrannos 533–556

533 τόλμης πρόσωπον ὥστε τὰς ἐμὰς στέγας

534 ἵκου , φονεὺς ὢν τοῦδε τἀνδρὸς ἐμφανῶς

535 λῃστής τ’ ἐναργὴς τῆς ἐμῆς τυραννίδος ;

536 φέρ’ εἰπὲ πρὸς θεῶν , δειλίαν ἢ μωρίαν

537 ἰδών τιν’ ἔν μοι ταῦτ’ ἐβουλεύσω ποεῖν ;

538 ἢ τοὔργον ὡς οὐ γνωριοῖμί σου τόδε

539 δόλῳ προσέρπον ἢ οὐκ ἀλεξοίμην μαθών ;

540 ἆρ’ οὐχὶ μῶρόν ἐστι τοὐγχείρημά σου ,

541 ἄνευ τε πλήθους καὶ φίλων τυραννίδα

542 θηρᾶν , ὃ πλήθει χρήμασίν θ’ ἁλίσκεται ;

Κρέων

543 οἶσθ’ ὡς πόησον ; ἀντὶ τῶν εἰρημένων

544 ἴσ’ ἀντάκουσον , κᾆτα κρῖν’ αὐτὸς μαθών .

Οἰδίπους

545 λέγειν σὺ δεινός , μανθάνειν δ’ ἐγὼ κακὸς

546 σοῦ ʹ δυσμενῆ γὰρ καὶ βαρύν σ’ ηὕρηκ’ ἐμοί .

Κρέων

547 τοῦτ’ αὐτὸ νῦν μου πρῶτ’ ἄκουσον ὡς ἐρῶ .

Οἰδίπους

548 τοῦτ’ αὐτὸ μή μοι φράζ’ , ὅπως οὐκ εἶ κακός .

Κρέων

549 εἴ τοι νομίζεις κτῆμα τὴν αὐθαδίαν

550 εἶναί τι τοῦ νοῦ χωρίς , οὐκ ὀρθῶς φρονεῖς .

Οἰδίπους

551 εἴ τοι νομίζεις ἄνδρα συγγενῆ κακῶς

552 δρῶν οὐχ ὑφέξειν τὴν δίκην , οὐκ εὖ φρονεῖς .

Κρέων

553 ξύμφημί σοι ταῦτ’ ἔνδικ’ εἰρῆσθαι ʹ τὸ δὲ

554 πάθημ’ ὁποῖον φὴς παθεῖν , δίδασκέ με .

Οἰδίπους

555 ἔπειθες ἢ οὐκ ἔπειθες , ὡς χρείη μ’ ἐπὶ

556 τὸν σεμνόμαντιν ἄνδρα πέμψασθαί τινα ;