107 τοὺς αὐτοέντας χειρὶ τιμωρεῖν τινας .
Οἰδίπους
108 οἳ δ’ εἰσὶ ποῦ γῆς ; ποῦ τόδ’ εὑρεθήσεται
109 ἴχνος παλαιᾶς δυστέκμαρτον αἰτίας ;
Κρέων
110 ἐν τῇδ’ ἔφασκε γῇ ʹ τὸ δὲ ζητούμενον
111 ἁλωτόν , ἐκφεύγειν δὲ τἀμελούμενον .
Οἰδίπους
112 πότερα δ’ ἐν οἴκοις ἢ ’ ν ἀγροῖς ὁ Λάϊος
113 ἢ γῆς ἐπ’ ἄλλης τῷδε συμπίπτει φόνῳ ;
Κρέων
114 θεωρός , ὡς ἔφασκεν , ἐκδημῶν , πάλιν
115 πρὸς οἶκον οὐκέθ’ ἵκεθ’ , ὡς ἀπεστάλη .
Οἰδίπους
116 οὐ δ’ ἄγγελός τις οὐ δὲ συμπράκτωρ ὁδοῦ
117 κατεῖδ’ , ὅτου τις ἐκμαθὼν ἐχρήσατ’ ἄν ;
Κρέων
118 θνῄσκουσι γάρ , πλὴν εἷς τις , ὃς φόβῳ , φυγὼν
119 ὧν εἶδε πλὴν ἓν οὐδὲν εἶχ’ εἰδὼς φράσαι .
Οἰδίπους
120 τὸ ποῖον ; ἓν γὰρ πόλλ’ ἂν ἐξεύροι μαθεῖν ,
121 ἀρχὴν βραχεῖαν εἰ λάβοιμεν ἐλπίδος .
Κρέων
122 λῃστὰς ἔφασκε συντυχόντας οὐ μιᾷ
123 ῥώμῃ κτανεῖν νιν , ἀλλὰ σὺν πλήθει χερῶν .
Οἰδίπους
124 πῶς οὖν ὁ λῃστής , εἴ τι μὴ ξὺν ἀργύρῳ
125 ἐπράσσετ’ ἐνθένδ’ , ἐς τόδ’ ἂν τόλμης ἔβη ;
Κρέων
126 δοκοῦντα ταῦτ’ ἦν ʹ Λαΐου δ’ ὀλωλότος
127 οὐδεὶς ἀρωγὸς ἐν κακοῖς ἐγίγνετο .
Οἰδίπους
128 κακὸν δὲ ποῖον ἐμποδών , τυραννίδος
129 οὕτω πεσούσης , εἶργε τοῦτ’ ἐξειδέναι ;
Κρέων
130 ἡ ποικιλῳδὸς Σφὶγξ τὸ πρὸς ποσὶν σκοπεῖν