Greek Reader — Sophocles Electra (920–940)

Sophocles Electra 920–940

Ἠλέκτρα

920 φεῦ , τῆς ἀνοίας ὥς σ’ ἐποικτίρω πάλαι .

Χρυσόθεμις

921 τί δ’ ἔστιν ; οὐ πρὸς ἡδονὴν λέγω τάδε ;

Ἠλέκτρα

922 οὐκ οἶσθ’ ὅποι γῆς οὐδ’ ὅποι γνώμης φέρει .

Χρυσόθεμις

923 πῶς δ’ οὐκ ἐγὼ κάτοιδ’ ἅ γ’ εἶδον ἐμφανῶς ;

Ἠλέκτρα

924 τέθνηκεν , ὦ τάλαινα , τἀκείνου δέ σοι

925 σωτήρι’ ἔρρει · μηδὲν εἰς κεῖνόν γ’ ὅρα .

Χρυσόθεμις

926 οἴμοι τάλαινα · τοῦ τάδ’ ἤκουσας βροτῶν ;

Ἠλέκτρα

927 τοῦ πλησίον παρόντος , ἡνίκ’ ὤλλυτο .

Χρυσόθεμις

928 καὶ ποῦ ’στιν οὗτος ; θαῦμά τοί μ’ ὑπέρχεται .

Ἠλέκτρα

929 κατ’ οἶκον , ἡδὺς οὐδὲ μητρὶ δυσχερής .

Χρυσόθεμις

930 οἴμοι τάλαινα · τοῦ γὰρ ἀνθρώπων ποτ’ ἦν

931 τὰ πολλὰ πατρὸς πρὸς τάφον κτερίσματα ;

Ἠλέκτρα

932 οἶμαι μάλιστ’ ἔγωγε τοῦ τεθνηκότος

933 μνημεῖ’ Ὀρέστου ταῦτα προσθεῖναί τινα .

Χρυσόθεμις

934 ὦ δυστυχής · ἐγὼ δὲ σὺν χαρᾷ λόγους

935 τοιούσδ’ ἔχουσ’ ἔσπευδον , οὐκ εἰδυῖ’ ἄρα

936 ἵν’ ἦμεν ἄτης · ἀλλὰ νῦν , ὅθ’ ἱκόμην ,

937 τά τ’ ὄντα πρόσθεν ἄλλα θ’ εὑρίσκω κακά .

Ἠλέκτρα

938 οὕτως ἔχει σοι ταῦτ’ · ἐὰν δέ μοι πίθῃ ,

939 τῆς νῦν παρούσης πημονῆς λύσεις βάρος .

Χρυσόθεμις

940 ἦ τοὺς θανόντας ἐξαναστήσω ποτέ ;