24.529 εἰ μὴ Ἀθηναίη , κούρη Διὸς αἰγιόχοιο ,
24.530 ἤϋσεν φωνῇ , κατὰ ἔσχεθε λαὸν ἅπαντα .
24.531 ἴσχεσθε πτολέμου , Ἰθακήσιοι , ἀργαλέοιο ,
24.532 ὥς κεν ἀναιμωτί γε διακρινθῆτε τάχιστα .
24.533 ὣς φάτʹ Ἀθηναίη , τοὺς δὲ χλωρὸν δέος εἷλεν ·
24.534 τῶν δʹ ἄρα δεισάντων ἐκ χειρῶν ἔπτατο τεύχεα ,
24.535 πάντα δʹ ἐπὶ χθονὶ πῖπτε , θεᾶς ὄπα φωνησάσης ·
24.536 πρὸς δὲ πόλιν τρωπῶντο λιλαιόμενοι βιότοιο .
24.537 σμερδαλέον δʹ ἐβόησε πολύτλας δῖος Ὀδυσσεύς ,
24.538 οἴμησεν δὲ ἀλεὶς ὥς τʹ αἰετὸς ὑψιπετήεις .
24.539 καὶ τότε δὴ Κρονίδης ἀφίει ψολόεντα κεραυνόν ,
24.540 κὰδ δʹ ἔπεσε πρόσθε γλαυκώπιδος ὀβριμοπάτρης .
24.541 δὴ τότʹ Ὀδυσσῆα προσέφη γλαυκῶπις Ἀθήνη ·
24.542 διογενὲς Λαερτιάδη , πολυμήχανʹ Ὀδυσσεῦ ,
24.543 ἴσχεο , παῦε δὲ νεῖκος ὁμοιΐου πολέμοιο ,
24.544 μή πως τοι Κρονίδης κεχολώσεται εὐρύοπα Ζεύς .
24.545 ὣς φάτʹ Ἀθηναίη , ὁ δʹ ἐπείθετο , χαῖρε δὲ θυμῷ .
24.546 ὅρκια δʹ αὖ κατόπισθε μετʹ ἀμφοτέροισιν ἔθηκεν
24.547 Παλλὰς Ἀθηναίη , κούρη Διὸς αἰγιόχοιο ,
24.548 Μέντορι εἰδομένη ἠμὲν δέμας ἠδὲ καὶ αὐδήν .