Greek Reader — The Homeric Odyssey (14.172

14.172 ἔλθοι ὅπως μιν ἐγώ γʹ ἐθέλω καὶ Πηνελόπεια

14.173 Λαέρτης θʹ ὁ γέρων καὶ Τηλέμαχος θεοειδής .

14.174 νῦν αὖ παιδὸς ἄλαστον ὀδύρομαι , ὃν τέκʹ Ὀδυσσεύς ,

14.175 Τηλεμάχου · τὸν ἐπεὶ θρέψαν θεοὶ ἔρνεϊ ἶσον ,

14.176 καί μιν ἔφην ἔσσεσθαι ἐν ἀνδράσιν οὔ τι χέρηα

14.177 πατρὸς ἑοῖο φίλοιο , δέμας καὶ εἶδος ἀγητόν ,

14.178 τὸν δέ τις ἀθανάτων βλάψε φρένας ἔνδον ἐΐσας

14.179 ἠέ τις ἀνθρώπων · ὁ δʹ ἔβη μετὰ πατρὸς ἀκουὴν

14.180 ἐς Πύλον ἠγαθέην · τὸν δὲ μνηστῆρες ἀγαυοὶ

14.181 οἴκαδʹ ἰόντα λοχῶσιν , ὅπως ἀπὸ φῦλον ὄληται

14.182 νώνυμον ἐξ Ἰθάκης Ἀρκεισίου ἀντιθέοιο .

14.183 ἀλλʹ ἦ τοι κεῖνον μὲν ἐάσομεν , ἤ κεν ἁλώῃ

14.184 ἦ κε φύγῃ καί κέν οἱ ὑπέρσχῃ χεῖρα Κρονίων .

14.185 ἀλλʹ ἄγε μοι σύ , γεραιέ , τὰ σʹ αὐτοῦ κήδεʹ ἐνίσπες

14.186 καί μοι τοῦτʹ ἀγόρευσον ἐτήτυμον , ὄφρʹ ἐῢ εἰδῶ ·

14.187 τίς πόθεν εἶς ἀνδρῶν ; πόθι τοι πόλις ἠδὲ τοκῆες ;

14.188 ὁπποίης τʹ ἐπὶ νηὸς ἀφίκεο · πῶς δέ σε ναῦται

14.189 ἤγαγον εἰς Ἰθάκην ; τίνες ἔμμεναι εὐχετόωντο ;

14.190 οὐ μὲν γάρ τί σε πεζὸν ὀΐομαι ἐνθάδʹ ἱκέσθαι .

14.191 τὸν δʹ ἀπαμειβόμενος προσέφη πολύμητις Ὀδυσσεύς

14.192 τοιγὰρ ἐγώ τοι ταῦτα μάλʹ ἀτρεκέως ἀγορεύσω .

14.193 εἴη μὲν νῦν νῶϊν ἐπὶ χρόνον ἠμὲν ἐδωδὴ

14.194 ἠδὲ μέθυ γλυκερὸν κλισίης ἔντοσθεν ἐοῦσι ,

14.195 δαίνυσθαι ἀκέοντʹ , ἄλλοι δʹ ἐπὶ ἔργον ἕποιεν ·

14.196 ῥηϊδίως κεν ἔπειτα καὶ εἰς ἐνιαυτὸν ἅπαντα

14.197 οὔ τι διαπρήξαιμι λέγων ἐμὰ κήδεα θυμοῦ ,

14.198 ὅσσα γε δὴ ξύμπαντα θεῶν ἰότητι μόγησα .

14.199 ἐκ μὲν Κρητάων γένος εὔχομαι εὐρειάων ,

14.200 ἀνέρος ἀφνειοῖο πάϊς · πολλοὶ δὲ καὶ ἄλλοι