Greek Reader — The Homeric Odyssey (13.294

13.294 οὐδʹ ἐν σῇ περ ἐὼν γαίῃ , λήξειν ἀπατάων

13.295 μύθων τε κλοπίων , οἵ τοι πεδόθεν φίλοι εἰσίν .

13.296 ἀλλʹ ἄγε , μηκέτι ταῦτα λεγώμεθα , εἰδότες ἄμφω

13.297 κέρδεʹ , ἐπεὶ σὺ μέν ἐσσι βροτῶν ὄχʹ ἄριστος ἁπάντων

13.298 βουλῇ καὶ μύθοισιν , ἐγὼ δʹ ἐν πᾶσι θεοῖσι

13.299 μήτι τε κλέομαι καὶ κέρδεσιν · οὐδὲ σύ γʹ ἔγνως

13.300 Παλλάδʹ Ἀθηναίην , κούρην Διός , ἥ τέ τοι αἰεὶ

13.301 ἐν πάντεσσι πόνοισι παρίσταμαι ἠδὲ φυλάσσω ,

13.302 καὶ δέ σε Φαιήκεσσι φίλον πάντεσσιν ἔθηκα ,

13.303 νῦν αὖ δεῦρʹ ἱκόμην , ἵνα τοι σὺν μῆτιν ὑφήνω

13.304 χρήματά τε κρύψω , ὅσα τοι Φαίηκες ἀγαυοὶ

13.305 ὤπασαν οἴκαδʹ ἰόντι ἐμῇ βουλῇ τε νόῳ τε ,

13.306 εἴπω θʹ ὅσσα τοι αἶσα δόμοις ἔνι ποιητοῖσι

13.307 κήδεʹ ἀνασχέσθαι · σὺ δὲ τετλάμεναι καὶ ἀνάγκῃ ,

13.308 μηδέ τῳ ἐκφάσθαι μήτʹ ἀνδρῶν μήτε γυναικῶν ,

13.309 πάντων , οὕνεκʹ ἄρʹ ἦλθες ἀλώμενος , ἀλλὰ σιωπῇ

13.310 πάσχειν ἄλγεα πολλά , βίας ὑποδέγμενος ἀνδρῶν .

13.311 τὴν δʹ ἀπαμειβόμενος προσέφη πολύμητις Ὀδυσσεύς ·

13.312 ἀργαλέον σε , θεά , γνῶναι βροτῷ ἀντιάσαντι ,

13.313 καὶ μάλʹ ἐπισταμένῳ · σὲ γὰρ αὐτὴν παντὶ ἐΐσκεις .

13.314 τοῦτο δʹ ἐγὼν εὖ οἶδʹ , ὅτι μοι πάρος ἠπίη ἦσθα ,

13.315 ἧος ἐνὶ Τροίῃ πολεμίζομεν υἷες Ἀχαιῶν .

13.316 αὐτὰρ ἐπεὶ Πριάμοιο πόλιν διεπέρσαμεν αἰπήν ,

13.317 βῆμεν δʹ ἐν νήεσσι , θεὸς δʹ ἐκέδασσεν Ἀχαιούς ,

13.318 οὔ σέ γʹ ἔπειτα ἴδον , κούρη Διός , οὐδʹ ἐνόησα

13.319 νηὸς ἐμῆς ἐπιβᾶσαν , ὅπως τί μοι ἄλγος ἀλάλκοις .

13.320 ἀλλʹ αἰεὶ φρεσὶν ᾗσιν ἔχων δεδαϊγμένον ἦτορ

13.321 ἠλώμην , ἧός με θεοὶ κακότητος ἔλυσαν ·