Greek Reader — The Homeric Odyssey (13.1

13.1 ὣς ἔφαθʹ , οἱ δʹ ἄρα πάντες ἀκὴν ἐγένοντο σιωπῇ ,

13.2 κηληθμῷ δʹ ἔσχοντο κατὰ μέγαρα σκιόεντα .

13.3 τὸν δʹ αὖτʹ Ἀλκίνοος ἀπαμείβετο φώνησέν τε ·

13.4 ὦ Ὀδυσεῦ , ἐπεὶ ἵκευ ἐμὸν ποτὶ χαλκοβατὲς δῶ ,

13.5 ὑψερεφές , τῷ σʹ οὔ τι παλιμπλαγχθέντα γʹ ὀΐω

13.6 ἂψ ἀπονοστήσειν , εἰ καὶ μάλα πολλὰ πέπονθας .

13.7 ὑμέων δʹ ἀνδρὶ ἑκάστῳ ἐφιέμενος τάδε εἴρω ,

13.8 ὅσσοι ἐνὶ μεγάροισι γερούσιον αἴθοπα οἶνον

13.9 αἰεὶ πίνετʹ ἐμοῖσιν , ἀκουάζεσθε δʹ ἀοιδοῦ .

13.10 εἵματα μὲν δὴ ξείνῳ ἐϋξέστῃ ἐνὶ χηλῷ

13.11 κεῖται καὶ χρυσὸς πολυδαίδαλος ἄλλα τε πάντα

13.12 δῶρʹ , ὅσα Φαιήκων βουληφόροι ἐνθάδʹ ἔνεικαν ·

13.13 ἀλλʹ ἄγε οἱ δῶμεν τρίποδα μέγαν ἠδὲ λέβητα

13.14 ἀνδρακάς · ἡμεῖς δʹ αὖτε ἀγειρόμενοι κατὰ δῆμον

13.15 τισόμεθʹ · ἀργαλέον γὰρ ἕνα προικὸς χαρίσασθαι .

13.16 ὣς ἔφατʹ Ἀλκίνοος , τοῖσιν δʹ ἐπιὴνδανε μῦθος .

13.17 οἱ μὲν κακκείοντες ἔβαν οἶκόνδε ἕκαστος ,

13.18 ἦμος δʹ ἠριγένεια φάνη ῥοδοδάκτυλος Ἠώς ,

13.19 νῆάδʹ ἐπεσσεύοντο , φέρον δʹ εὐήνορα χαλκόν .

13.20 καὶ τὰ μὲν εὖ κατέθηχʹ ἱερὸν μένος Ἀλκινόοιο ,

13.21 αὐτὸς ἰὼν διὰ νηὸς ὑπὸ ζυγά , μή τινʹ ἑταίρων

13.22 βλάπτοι ἐλαυνόντων , ὁπότε σπερχοίατʹ ἐρετμοῖς .

13.23 οἱ δʹ εἰς Ἀλκινόοιο κίον καὶ δαῖτʹ ἀλέγυνον .

13.24 τοῖσι δὲ βοῦν ἱέρευσʹ ἱερὸν μένος Ἀλκινόοιο

13.25 Ζηνὶ κελαινεφέϊ Κρονίδῃ , ὃς πᾶσιν ἀνάσσει .

13.26 μῆρα δὲ κήαντες δαίνυντʹ ἐρικυδέα δαῖτα

13.27 τερπόμενοι · μετὰ δέ σφιν ἐμέλπετο θεῖος ἀοιδός ,

13.28 Δημόδοκος , λαοῖσι τετιμένος . αὐτὰρ Ὀδυσσεὺς

13.29 πολλὰ πρὸς ἠέλιον κεφαλὴν τρέπε παμφανόωντα ,

13.30 δῦναι ἐπειγόμενος · δὴ γὰρ μενέαινε νέεσθαι .

13.31 ὡς δʹ ὅτʹ ἀνὴρ δόρποιο λιλαίεται , ᾧ τε πανῆμαρ