12.176 Ἠελίου τʹ αὐγὴ Ὑπεριονίδαο ἄνακτος ·
12.177 ἑξείης δʹ ἑτάροισιν ἐπʹ οὔατα πᾶσιν ἄλειψα .
12.178 οἱ δʹ ἐν νηί μʹ ἔδησαν ὁμοῦ χεῖράς τε πόδας τε
12.179 ὀρθὸν ἐν ἱστοπέδῃ , ἐκ δʹ αὐτοῦ πείρατʹ ἀνῆπτον ·
12.180 αὐτοὶ δʹ ἑζόμενοι πολιὴν ἅλα τύπτον ἐρετμοῖς .
12.181 ἀλλʹ ὅτε τόσσον ἀπῆμεν ὅσον τε γέγωνε βοήσας ,
12.182 ῥίμφα διώκοντες , τὰς δʹ οὐ λάθεν ὠκύαλος νηῦς
12.183 ἐγγύθεν ὀρνυμένη , λιγυρὴν δʹ ἔντυνον ἀοιδήν ·
12.184 δεῦρʹ ἄγʹ ἰών , πολύαινʹ Ὀδυσεῦ , μέγα κῦδος Ἀχαιῶν ,
12.185 νῆα κατάστησον , ἵνα νωιτέρην ὄπ ἀκούσῃς .
12.186 οὐ γάρ πώ τις τῇδε παρήλασε νηὶ μελαίνῃ ,
12.187 πρίν γʹ ἡμέων μελίγηρυν ἀπὸ στομάτων ὄπʹ ἀκοῦσαι ,
12.188 ἀλλʹ ὅ γε τερψάμενος νεῖται καὶ πλείονα εἰδώς .
12.189 ἴδμεν γάρ τοι πάνθʹ ὅσʹ ἐνὶ Τροίῃ εὐρείῃ
12.190 Ἀργεῖοι Τρῶές τε θεῶν ἰότητι μόγησαν ,
12.191 ἴδμεν δʹ , ὅσσα γένηται ἐπὶ χθονὶ πουλυβοτείρῃ .
12.192 ὣς φάσαν ἱεῖσαι ὄπα κάλλιμον · αὐτὰρ ἐμὸν κῆρ
12.193 ἤθελʹ ἀκουέμεναι , λῦσαί τʹ ἐκέλευον ἑταίρους
12.194 ὀφρύσι νευστάζων · οἱ δὲ προπεσόντες ἔρεσσον .
12.195 αὐτίκα δʹ ἀνστάντες Περιμήδης Εὐρύλοχός τε
12.196 πλείοσί μʹ ἐν δεσμοῖσι δέον μᾶλλόν τε πίεζον .
12.197 αὐτὰρ ἐπεὶ δὴ τάς γε παρήλασαν , οὐδʹ ἔτʹ ἔπειτα
12.198 φθογγῆς Σειρήνων ἠκούομεν οὐδέ τʹ ἀοιδῆς ,
12.199 αἶψʹ ἀπὸ κηρὸν ἕλοντο ἐμοὶ ἐρίηρες ἑταῖροι ,
12.200 ὅν σφιν ἐπʹ ὠσὶν ἄλειψʹ , ἐμέ τʹ ἐκ δεσμῶν ἀνέλυσαν .
12.201 ἀλλʹ ὅτε δὴ τὴν νῆσον ἐλείπομεν , αὐτίκʹ ἔπειτα
12.202 καπνὸν καὶ μέγα κῦμα ἴδον καὶ δοῦπον ἄκουσα .
12.203 τῶν δʹ ἄρα δεισάντων ἐκ χειρῶν ἔπτατʹ ἐρετμά ,