Greek Reader — The Homeric Odyssey (4.208

4.208 ὄλβον ἐπικλώσῃ γαμέοντί τε γεινομένῳ τε ,

4.209 ὡς νῦν Νέστορι δῶκε διαμπερὲς ἤματα πάντα

4.210 αὐτὸν μὲν λιπαρῶς γηρασκέμεν ἐν μεγάροισιν ,

4.211 υἱέας αὖ πινυτούς τε καὶ ἔγχεσιν εἶναι ἀρίστους .

4.212 ἡμεῖς δὲ κλαυθμὸν μὲν ἐάσομεν , ὃς πρὶν ἐτύχθη ,

4.213 δόρπου δʹ ἐξαῦτις μνησώμεθα , χερσὶ δʹ ἐφʹ ὕδωρ

4.214 χευάντων . μῦθοι δὲ καὶ ἠῶθέν περ ἔσονται

4.215 Τηλεμάχῳ καὶ ἐμοὶ διαειπέμεν ἀλλήλοισιν .

4.216 ὣς ἔφατʹ , Ἀσφαλίων δʹ ἄρ ὕδωρ ἐπὶ χεῖρας ἔχευεν ,

4.217 ὀτρηρὸς θεράπων Μενελάου κυδαλίμοιο .

4.218 οἱ δʹ ἐπʹ ὀνείαθʹ ἑτοῖμα προκείμενα χεῖρας ἴαλλον .

4.219 ἔνθʹ αὖτʹ ἄλλʹ ἐνόησʹ Ἑλένη Διὸς ἐκγεγαυῖα ·

4.220 αὐτίκʹ ἄρʹ εἰς οἶνον βάλε φάρμακον , ἔνθεν ἔπινον ,

4.221 νηπενθές τʹ ἄχολόν τε , κακῶν ἐπίληθον ἁπάντων .

4.222 ὃς τὸ καταβρόξειεν , ἐπὴν κρητῆρι μιγείη ,

4.223 οὔ κεν ἐφημέριός γε βάλοι κατὰ δάκρυ παρειῶν ,

4.224 οὐδʹ εἴ οἱ κατατεθναίη μήτηρ τε πατήρ τε ,

4.225 οὐδʹ εἴ οἱ προπάροιθεν ἀδελφεὸν ἢ φίλον υἱὸν

4.226 χαλκῷ δηιόῳεν , ὁ δʹ ὀφθαλμοῖσιν ὁρῷτο .

4.227 τοῖα Διὸς θυγάτηρ ἔχε φάρμακα μητιόεντα ,

4.228 ἐσθλά , τά οἱ Πολύδαμνα πόρεν , Θῶνος παράκοιτις

4.229 Αἰγυπτίη , τῇ πλεῖστα φέρει ζείδωρος ἄρουρα

4.230 φάρμακα , πολλὰ μὲν ἐσθλὰ μεμιγμένα πολλὰ δὲ λυγρά ·

4.231 ἰητρὸς δὲ ἕκαστος ἐπιστάμενος περὶ πάντων

4.232 ἀνθρώπων · ἦ γὰρ Παιήονός εἰσι γενέθλης .

4.233 αὐτὰρ ἐπεί ῥʹ ἐνέηκε κέλευσέ τε οἰνοχοῆσαι ,

4.234 ἐξαῦτις μύθοισιν ἀμειβομένη προσέειπεν ·

4.235 Ἀτρεΐδη Μενέλαε διοτρεφὲς ἠδὲ καὶ οἵδε

4.236 ἀνδρῶν ἐσθλῶν παῖδες · ἀτὰρ θεὸς ἄλλοτε ἄλλῳ

4.237 Ζεὺς ἀγαθόν τε κακόν τε διδοῖ · δύναται γὰρ ἅπαντα ·

4.238 ἦ τοι νῦν δαίνυσθε καθήμενοι ἐν μεγάροισι