3.1 Ἠέλιος δʹ ἀνόρουσε , λιπὼν περικαλλέα λίμνην ,
3.2 οὐρανὸν ἐς πολύχαλκον , ἵνʹ ἀθανάτοισι φαείνοι
3.3 καὶ θνητοῖσι βροτοῖσιν ἐπὶ ζείδωρον ἄρουραν ·
3.4 οἱ δὲ Πύλον , Νηλῆος ἐυκτίμενον πτολίεθρον ,
3.5 ἷξον · τοὶ δʹ ἐπὶ θινὶ θαλάσσης ἱερὰ ῥέζον ,
3.6 ταύρους παμμέλανας , ἐνοσίχθονι κυανοχαίτῃ .
3.7 ἐννέα δʹ ἕδραι ἔσαν , πεντακόσιοι δʹ ἐν ἑκάστῃ
3.8 ἥατο καὶ προύχοντο ἑκάστοθι ἐννέα ταύρους .
3.9 εὖθʹ οἱ σπλάγχνα πάσαντο , θεῷ δʹ ἐπὶ μηρίʹ ἔκαιον ,
3.10 οἱ δʹ ἰθὺς κατάγοντο ἰδʹ ἱστία νηὸς ἐίσης
3.11 στεῖλαν ἀείραντες , τὴν δʹ ὥρμισαν , ἐκ δʹ ἔβαν αὐτοί ·
3.12 ἐκ δʹ ἄρα Τηλέμαχος νηὸς βαῖνʹ , ἦρχε δʹ Ἀθήνη .
3.13 τὸν προτέρη προσέειπε θεά , γλαυκῶπις Ἀθήνη ·
3.14 Τηλέμαχʹ , οὐ μέν σε χρὴ ἔτʹ αἰδοῦς , οὐδʹ ἠβαιόν ·
3.15 τοὔνεκα γὰρ καὶ πόντον ἐπέπλως , ὄφρα πύθηαι
3.16 πατρός , ὅπου κύθε γαῖα καὶ ὅν τινα πότμον ἐπέσπεν .
3.17 ἀλλʹ ἄγε νῦν ἰθὺς κίε Νέστορος ἱπποδάμοιο ·
3.18 εἴδομεν ἥν τινα μῆτιν ἐνὶ στήθεσσι κέκευθε .
3.19 λίσσεσθαι δέ μιν αὐτός , ὅπως νημερτέα εἴπῃ ·
3.20 ψεῦδος δʹ οὐκ ἐρέει · μάλα γὰρ πεπνυμένος ἐστί .
3.21 τὴν δʹ αὖ Τηλέμαχος πεπνυμένος ἀντίον ηὔδα ·
3.22 Μέντορ , πῶς τʹ ἄρʹ ἴω ; πῶς τʹ ἂρ προσπτύξομαι αὐτόν ;
3.23 οὐδέ τί πω μύθοισι πεπείρημαι πυκινοῖσιν ·
3.24 αἰδὼς δʹ αὖ νέον ἄνδρα γεραίτερον ἐξερέεσθαι .
3.25 τὸν δʹ αὖτε προσέειπε θεά , γλαυκῶπις Ἀθήνη ·
3.26 Τηλέμαχʹ , ἄλλα μὲν αὐτὸς ἐνὶ φρεσὶ σῇσι νοήσεις ,
3.27 ἄλλα δὲ καὶ δαίμων ὑποθήσεται · οὐ γὰρ ὀίω