Greek Reader — The Homeric Odyssey (1.411

1.411 γνώμεναι · οὐ μὲν γάρ τι κακῷ εἰς ὦπα ἐῴκει .

1.412 τὸν δʹ αὖ Τηλέμαχος πεπνυμένος ἀντίον ηὔδα ·

1.413 Εὐρύμαχʹ , ἦ τοι νόστος ἀπώλετο πατρὸς ἐμοῖο ·

1.414 οὔτʹ οὖν ἀγγελίῃ ἔτι πείθομαι , εἴ ποθεν ἔλθοι ,

1.415 οὔτε θεοπροπίης ἐμπάζομαι , ἥν τινα μήτηρ

1.416 ἐς μέγαρον καλέσασα θεοπρόπον ἐξερέηται .

1.417 ξεῖνος δʹ οὗτος ἐμὸς πατρώιος ἐκ Τάφου ἐστίν ,

1.418 Μέντης δʹ Ἀγχιάλοιο δαΐφρονος εὔχεται εἶναι

1.419 υἱός , ἀτὰρ Ταφίοισι φιληρέτμοισιν ἀνάσσει .

1.420 ὣς φάτο Τηλέμαχος , φρεσὶ δʹ ἀθανάτην θεὸν ἔγνω .

1.421 οἱ δʹ εἰς ὀρχηστύν τε καὶ ἱμερόεσσαν ἀοιδὴν

1.422 τρεψάμενοι τέρποντο , μένον δʹ ἐπὶ ἕσπερον ἐλθεῖν .

1.423 τοῖσι δὲ τερπομένοισι μέλας ἐπὶ ἕσπερος ἦλθε ·

1.424 δὴ τότε κακκείοντες ἔβαν οἶκόνδε ἕκαστος .

1.425 Τηλέμαχος δʹ , ὅθι οἱ θάλαμος περικαλλέος αὐλῆς

1.426 ὑψηλὸς δέδμητο περισκέπτῳ ἐνὶ χώρῳ ,

1.427 ἔνθʹ ἔβη εἰς εὐνὴν πολλὰ φρεσὶ μερμηρίζων .

1.428 τῷ δʹ ἄρʹ ἅμʹ αἰθομένας δαΐδας φέρε κεδνὰ ἰδυῖα

1.429 Εὐρύκλειʹ , Ὦπος θυγάτηρ Πεισηνορίδαο ,

1.430 τήν ποτε Λαέρτης πρίατο κτεάτεσσιν ἑοῖσιν

1.431 πρωθήβην ἔτʹ ἐοῦσαν , ἐεικοσάβοια δʹ ἔδωκεν ,

1.432 ἶσα δέ μιν κεδνῇ ἀλόχῳ τίεν ἐν μεγάροισιν ,

1.433 εὐνῇ δʹ οὔ ποτʹ ἔμικτο , χόλον δʹ ἀλέεινε γυναικός ·

1.434 ἥ οἱ ἅμʹ αἰθομένας δαΐδας φέρε , καί ἑ μάλιστα

1.435 δμῳάων φιλέεσκε , καὶ ἔτρεφε τυτθὸν ἐόντα .

1.436 ὤιξεν δὲ θύρας θαλάμου πύκα ποιητοῖο ,

1.437 ἕζετο δʹ ἐν λέκτρῳ , μαλακὸν δʹ ἔκδυνε χιτῶνα ·

1.438 καὶ τὸν μὲν γραίης πυκιμηδέος ἔμβαλε χερσίν .

1.439 ἡ μὲν τὸν πτύξασα καὶ ἀσκήσασα χιτῶνα ,

1.440 πασσάλῳ ἀγκρεμάσασα παρὰ τρητοῖσι λέχεσσι