Greek Reader — The Homeric Iliad (9.452

9.452 παλλακίδι προμιγῆναι , ἵν’ ἐχθήρειε γέροντα .

9.453 τῇ πιθόμην καὶ ἔρεξα · πατὴρ δ’ ἐμὸς αὐτίκ’ ὀϊσθεὶς

9.454 πολλὰ κατηρᾶτο , στυγερὰς δ’ ἐπεκέκλετ’ Ἐρινῦς ,

9.455 μή ποτε γούνασιν οἷσιν ἐφέσσεσθαι φίλον υἱὸν

9.456 ἐξ ἐμέθεν γεγαῶτα · θεοὶ δ’ ἐτέλειον ἐπαρὰς

9.457 Ζεύς τε καταχθόνιος καὶ ἐπαινὴ Περσεφόνεια .

9.462 ἔνθ’ ἐμοὶ οὐκέτι πάμπαν ἐρητύετ’ ἐν φρεσὶ θυμὸς

9.463 πατρὸς χωομένοιο κατὰ μέγαρα στρωφᾶσθαι .

9.464 ἦ μὲν πολλὰ ἔται καὶ ἀνεψιοὶ ἀμφὶς ἐόντες

9.465 αὐτοῦ λισσόμενοι κατερήτυον ἐν μεγάροισι ,

9.466 πολλὰ δὲ ἴφια μῆλα καὶ εἰλίποδας ἕλικας βοῦς

9.467 ἔσφαζον , πολλοὶ δὲ σύες θαλέθοντες ἀλοιφῇ

9.468 εὑόμενοι τανύοντο διὰ φλογὸς Ἡφαίστοιο ,

9.469 πολλὸν δ’ ἐκ κεράμων μέθυ πίνετο τοῖο γέροντος .

9.470 εἰνάνυχες δέ μοι ἀμφ’ αὐτῷ παρὰ νύκτας ἴαυον ·

9.471 οἳ μὲν ἀμειβόμενοι φυλακὰς ἔχον , οὐδέ ποτ’ ἔσβη

9.472 πῦρ , ἕτερον μὲν ὑπ’ αἰθούσῃ εὐερκέος αὐλῆς ,

9.473 ἄλλο δ’ ἐνὶ προδόμῳ , πρόσθεν θαλάμοιο θυράων .

9.474 ἀλλ’ ὅτε δὴ δεκάτη μοι ἐπήλυθε νὺξ ἐρεβεννή ,

9.475 καὶ τότ’ ἐγὼ θαλάμοιο θύρας πυκινῶς ἀραρυίας

9.476 ῥήξας ἐξῆλθον , καὶ ὑπέρθορον ἑρκίον αὐλῆς

9.477 ῥεῖα , λαθὼν φύλακάς τ’ ἄνδρας δμῳάς τε γυναῖκας .

9.478 φεῦγον ἔπειτ’ ἀπάνευθε δι’ Ἑλλάδος εὐρυχόροιο ,

9.479 Φθίην δ’ ἐξικόμην ἐριβώλακα μητέρα μήλων

9.480 ἐς Πηλῆα ἄναχθ’ · ὃ δέ με πρόφρων ὑπέδεκτο ,

9.481 καί μ’ ἐφίλησ’ ὡς εἴ τε πατὴρ ὃν παῖδα φιλήσῃ

9.482 μοῦνον τηλύγετον πολλοῖσιν ἐπὶ κτεάτεσσι ,

9.483 καί μ’ ἀφνειὸν ἔθηκε , πολὺν δέ μοι ὤπασε λαόν ·

9.484 ναῖον δ’ ἐσχατιὴν Φθίης Δολόπεσσιν ἀνάσσων .

9.485 καί σε τοσοῦτον ἔθηκα θεοῖς ἐπιείκελ’ Ἀχιλλεῦ ,

9.486 ἐκ θυμοῦ φιλέων , ἐπεὶ οὐκ ἐθέλεσκες ἅμ’ ἄλλῳ