Greek Reader — The Homeric Iliad (5.840

5.840 Παλλὰς Ἀθήνη ·

5.841 αὐτίκ’ ἐπ’ Ἄρηϊ πρώτῳ ἔχε μώνυχας ἵππους .

5.842 ἤτοι ὃ μὲν Περίφαντα πελώριον ἐξενάριζεν

5.843 Αἰτωλῶν ὄχ’ ἄριστον Ὀχησίου ἀγλαὸν υἱόν ·

5.844 τὸν μὲν Ἄρης ἐνάριζε μιαιφόνος · αὐτὰρ Ἀθήνη

5.845 δῦν’ Ἄϊδος κυνέην , μή μιν ἴδοι ὄβριμος Ἄρης .

5.846 ὡς δὲ ἴδε βροτολοιγὸς Ἄρης Διομήδεα δῖον ,

5.847 ἤτοι ὃ μὲν Περίφαντα πελώριον αὐτόθ’ ἔασε

5.848 κεῖσθαι ὅθι πρῶτον κτείνων ἐξαίνυτο θυμόν ,

5.849 αὐτὰρ ὃ βῆ ῥ’ ἰθὺς Διομήδεος ἱπποδάμοιο .

5.850 οἳ δ’ ὅτε δὴ σχεδὸν ἦσαν ἐπ’ ἀλλήλοισιν ἰόντες ,

5.851 πρόσθεν Ἄρης ὠρέξαθ’ ὑπὲρ ζυγὸν ἡνία θ’ ἵππων

5.852 ἔγχεϊ χαλκείῳ μεμαὼς ἀπὸ θυμὸν ἑλέσθαι ·

5.853 καὶ τό γε χειρὶ λαβοῦσα θεὰ γλαυκῶπις Ἀθήνη

5.854 ὦσεν ὑπὲκ δίφροιο ἐτώσιον ἀϊχθῆναι .

5.855 δεύτερος αὖθ’ ὡρμᾶτο βοὴν ἀγαθὸς Διομήδης

5.856 ἔγχεϊ χαλκείῳ · ἐπέρεισε δὲ Παλλὰς Ἀθήνη

5.857 νείατον ἐς κενεῶνα ὅθι ζωννύσκετο μίτρῃ ·

5.858 τῇ ῥά μιν οὖτα τυχών , διὰ δὲ χρόα καλὸν ἔδαψεν ,

5.859 ἐκ δὲ δόρυ σπάσεν αὖτις · ὃ δ’ ἔβραχε χάλκεος Ἄρης

5.860 ὅσσόν τ’ ἐννεάχιλοι ἐπίαχον ἢ δεκάχιλοι

5.861 ἀνέρες ἐν πολέμῳ ἔριδα ξυνάγοντες Ἄρηος .

5.862 τοὺς δ’ ἄρ’ ὑπὸ τρόμος εἷλεν Ἀχαιούς τε Τρῶάς τε

5.863 δείσαντας · τόσον ἔβραχ’ Ἄρης ἆτος πολέμοιο .

5.864 οἵη δ’ ἐκ νεφέων ἐρεβεννὴ φαίνεται ἀὴρ

5.865 καύματος ἐξ ἀνέμοιο δυσαέος ὀρνυμένοιο ,

5.866 τοῖος Τυδεΐδῃ Διομήδεϊ χάλκεος Ἄρης

5.867 φαίνεθ’ ὁμοῦ νεφέεσσιν ἰὼν εἰς οὐρανὸν εὐρύν .

5.868 καρπαλίμως δ’ ἵκανε θεῶν ἕδος αἰπὺν Ὄλυμπον ,

5.869 πὰρ δὲ Διὶ Κρονίωνι καθέζετο θυμὸν ἀχεύων ,

5.870 δεῖξεν δ’ ἄμβροτον αἷμα καταρρέον ἐξ ὠτειλῆς ,

5.871 καί ῥ’ ὀλοφυρόμενος ἔπεα πτερόεντα προσηύδα ·

5.872 Ζεῦ πάτερ οὐ νεμεσίζῃ ὁρῶν τάδε καρτερὰ ἔργα