Greek Reader — The Homeric Iliad (1.563

1.563 .

1.564 εἰ δ’ οὕτω τοῦτ’ ἐστὶν ἐμοὶ μέλλει φίλον εἶναι ·

1.565 ἀλλ’ ἀκέουσα κάθησο , ἐμῷ δ’ ἐπιπείθεο μύθῳ ,

1.566 μή νύ τοι οὐ χραίσμωσιν ὅσοι θεοί εἰσ’ ἐν Ὀλύμπῳ

1.567 ἆσσον ἰόνθ’ , ὅτε κέν τοι ἀάπτους χεῖρας ἐφείω .

1.568 ὣς ἔφατ’ ἔδεισεν δὲ βοῶπις πότνια Ἥρη ,

1.569 καί ῥ’ ἀκέουσα καθῆστο ἐπιγνάμψασα φίλον κῆρ ·

1.570 ὄχθησαν δ’ ἀνὰ δῶμα Διὸς θεοὶ Οὐρανίωνες ·

1.571 τοῖσιν δ’ Ἥφαιστος κλυτοτέχνης ἦρχ’ ἀγορεύειν

1.572 μητρὶ φίλῃ ἐπίηρα φέρων λευκωλένῳ Ἥρῃ ·

1.573 ἦ δὴ λοίγια ἔργα τάδ’ ἔσσεται οὐδ’ ἔτ’ ἀνεκτά ,

1.574 εἰ δὴ σφὼ ἕνεκα θνητῶν ἐριδαίνετον ὧδε ,

1.575 ἐν δὲ θεοῖσι κολῳὸν ἐλαύνετον · οὐδέ τι δαιτὸς

1.576 ἐσθλῆς ἔσσεται ἦδος , ἐπεὶ τὰ χερείονα νικᾷ .

1.577 μητρὶ δ’ ἐγὼ παράφημι καὶ αὐτῇ περ νοεούσῃ

1.578 πατρὶ φίλῳ ἐπίηρα φέρειν Διί , ὄφρα μὴ αὖτε

1.579 νεικείῃσι πατήρ , σὺν δ’ ἡμῖν δαῖτα ταράξῃ .

1.580 εἴ περ γάρ κ’ ἐθέλῃσιν Ὀλύμπιος ἀστεροπητὴς

1.581 ἐξ ἑδέων στυφελίξαι · ὃ γὰρ πολὺ φέρτατός ἐστιν .

1.582 ἀλλὰ σὺ τὸν ἐπέεσσι καθάπτεσθαι μαλακοῖσιν ·

1.583 αὐτίκ’ ἔπειθ’ ἵλαος Ὀλύμπιος ἔσσεται ἡμῖν .

1.584 ὣς ἄρ’ ἔφη καὶ ἀναΐξας δέπας ἀμφικύπελλον

1.585 μητρὶ φίλῃ ἐν χειρὶ τίθει καί μιν προσέειπε ·

1.586 τέτλαθι μῆτερ ἐμή , καὶ ἀνάσχεο κηδομένη περ ,

1.587 μή σε φίλην περ ἐοῦσαν ἐν ὀφθαλμοῖσιν ἴδωμαι

1.588 θεινομένην , τότε δ’ οὔ τι δυνήσομαι ἀχνύμενός περ

1.589 χραισμεῖν · ἀργαλέος γὰρ Ὀλύμπιος ἀντιφέρεσθαι ·

1.590 ἤδη γάρ με καὶ ἄλλοτ’ ἀλεξέμεναι μεμαῶτα

1.591 ῥῖψε ποδὸς τεταγὼν ἀπὸ βηλοῦ θεσπεσίοιο ,

1.592 πᾶν δ’ ἦμαρ φερόμην , ἅμα δ’ ἠελίῳ καταδύντι

1.593 κάππεσον ἐν Λήμνῳ , ὀλίγος δ’ ἔτι θυμὸς